Depýtattar qyzylordalyqtarǵa Elbasynyń áleýmettik bastamalaryn túsindirdi

ASTANA. QazAqparat - Májilis depýtattarynyń qyzylordalyqtarmen kezdesýinde Memleket basshysynyń Bes áleýmettik bastamasyn júzege asyrý jaıy talqylandy, dep habarlaıdy «QazAqparat» HAA  Parlament Májilisiniń baspasóz qyzmetine silteme jasap.

Qyzylorda oblysynyń, Qyzylorda qalalyq máslıhatynyń depýtattary, qoǵam belsendileri  jáne ustazdar qaýymymen júzdesýde QR Parlamenti Májilisi tóraǵasynyń orynbasary V. Bojko Elbasynyń batyl saıası qadamdarynyń jemisi týraly jáne áleýmettik bastamalardyń halyqtyń muqtajyna baǵyttalyp otyrǵanyn atap ótti.

Óz kezeginde Májilis depýtaty N. Jumadildaeva ustaz mártebesiniń artýy bilim salasyna oń serpilis berip, bilim granttary sanynyń ósip, stýdentterdi jataqhanamen qamtý máselesiniń zańnamalyq negizin, onyń ishinde Parlament Májilisinde Bilim jáne ǵylym mınıstrligimen birlesip, zań jobasynyń jasaqtalýy týraly toqtaldy.
 

Sonymen qatar, shara barysynda Májilis depýtattary B. Kesebaeva, A. Eralıev, K. Absatırov  salyq salasyndaǵy ózgerister, kásipkerlerge qoldaý men halyqty baspanamen qamtamasyz etý máselelerin kóterdi.
 

Depýtattardyń óńirdegi sapary barysynda Qyzylorda qalasyndaǵy Dostyq úıinde Májilis depýtattarynyń oblystyq Qazaqstan halqy assambleıasy múshelerimen kezdesýi uıymdastyryldy.

Kezdesýge oblys ákiminiń orynbasary R. Rústemov, oblystyq assambleıanyń, oblystyq QHA ǵylymı sarapshylyq tobynyń jáne  jastar qanatynyń músheleri qatysty.

Shara barysynda Qazaqstan Respýblıkasy Parlamenti Májilisi tóraǵasynyń orynbasary, «Qazaqstan orys, slavıan, kazak uıymdary assotsıatsııasy» ZTB tóraǵasy V. Bojko, Májilis depýtattary N. Jumadildaeva, B. Kesebaeva, A. Eralıev jáne K. Absatırov, oblystyq Qazaqstan halqy assambleıasy tóraǵasynyń orynbasary, oblystyq «Slavıane» qoǵamdyq-mádenı birlestiginiń jetekshisi G. Şerbakova, oblystyq Qazaqstan halqy assambleıasy janyndaǵy Jastar qanatynyń múshesi C. Pak, oblystyq Qazaqstan halqy assambleıasy janyndaǵy ǵylymı-saraptamalyq top múshesi, saıası ǵylymdarynyń kandıdaty M. Nasımov sóz sóıledi.
 

N. Bojko eldegi saıası turaqtylyq pen etnosaralyq tatýlyqtyń eldiń turaqty damýyndaǵy rólin atap ótse, N. Jumadildaeva bilim salasyndaǵy tyń ózgerister jaıly sóz qozǵap, Elbasynyń «Bes áleýmettik bastamasynyn» júzege asyrý alǵysharttaryn naqtylady.

Shara sońynda Májilis depýtattary men jergilikti atqarýshy organ ókilderi jınalǵan qaýymnyń usynystaryn zerdelep, olardy júzege asyrý boıynsha jumys atqaratyndyqtaryn jetkizdi.