Depýtattar Quryltaıdyń segiz komıtetin bekitti
ASTANA. KAZINFORM — Birinshi shaqyrylymdaǵy Quryltaıdyń jalpy otyrysynda turaqty komıtetterdiń sany men ataýy naqtylandy.
QR Quryltaıy jáne onyń depýtattarynyń mártebesi týraly konstıtýtsııalyq zańnyń 35-babynyń 1-tarmaǵyna sáıkes, Quryltaıdyń turaqty komıtetteriniń sany segizden aspaýy tıis.
Quryltaı depýtaty Snejanna Imasheva Quryltaı quramyn segiz komıtetten qurýdy usyndy:
- Birinshi — Agrarlyq máseleler, ekologııa jáne tabıǵı resýrstar komıteti
- Ekinshi — Áleýmettik-mádenı damý komıteti
- Úshinshi — Konstıtýtsııalyq zańnama, sot júıesi jáne quqyq qorǵaý organdary komıteti
- Tórtinshi — Qarjy jáne bıýdjet komıteti
- Besinshi — Óńirlik jáne ınfraqurylymdyq damý komıteti
- Altynshy — Halyqaralyq ister, qorǵanys jáne qaýipsizdik komıteti
- Jetinshi — Tsıfrlandyrý, ınnovatsııalar jáne ǵylym komıteti
- Segizinshi — Ekonomıkalyq saıasat, ónerkásip jáne energetıka komıteti.
Daýys berýge 144 depýtat qatysty jáne 142-si jaqtady. Sheshim qabyldandy.
Buǵan deıin Aıbek Dádebaı Quryltaı tóraǵasy bolyp saılanǵan edi.
Sondaı-aq Quryltaı tóraǵasynyń orynbasarlary da anyqtaldy.
