Depýtattar Qoǵamdyq kelisim keńesiniń forýmyna qatysýshylarmen júzdesti
ASTANA. QazAqparat - Búgin Májiliste «Qazaqstan halqy Assambleıasy» depýtattyq toby Qoǵamdyq kelisim keńesiniń forýmyna qatysýshylarmen kezdesti. Bul týraly palatanyń baspasóz qyzmetinen habarlady. Respýblıkanyń barlyq aımaqtarynan kelgen meımandar aldynda Májilis tóraǵasynyń orynbasary Abaı Tasbolatov sóz sóılep, ol palatanyń «100 naqty qadam» Ult jospary boıynsha jasalǵan zań shyǵarý jumysymen tanystyrdy. Sonymen qatar vıtse-spıker Qoǵamdyq kelisim keńesteriniń Qazaqstannyń kópultty qoǵamdyq ómirinde alyp otyrǵan ornyn atap ótti.
Budan bólek, atalǵan másele boıynsha Qazaqstan halqy Assambleıasy tóraǵasynyń orynbasary, QHA hatshylyǵynyń meńgerýshisi Eraly Toǵjanov depýtattyq toptyń Qoǵamdyq kelisim keńesterimen ózara baılanystaryna toqtaldy. Al, Májilis depýtaty Egor Kappel parlament qabyrǵasynda depýtattyq toptyń atqaryp jatqan isterinen habardar etti.
«Prezıdent N. Nazarbaevtyń Eýrazııalyq ıdeıalarynyń mańyzy jaıynda Májilis depýtaty Vıktor Kııanskıı aıtyp berdi. Júzdesýden soń qonaqtar Májilistiń otyrys zalymen, Palatalardyń birlesken otyrys zalymen tanysty. Eske salaıyq, Májilistegi depýtattyq topqa Qazaqstan halqy Assambleıasynan saılanǵan toǵyz depýtat kiredi. Olar: Jumataı Álıev, Murat Ahmadıev, Egor Kapel, Roman Kım, Ahmet Mýradov, Nadejda Nesterova, Zýhra Saıapova, ıÝrıı Tımoşenko jáne Rozaqul Halmýradov», delingen baspasóz baıanynda.
