Depýtattar «Keleshek» jınaqtaý júıesin retteıtin zańdy qabyldady

ASTANA. KAZINFORM – Májilis zańnamany aqparat, qoǵamdyq damý, mádenıet jáne arhıv isi salalaryndaǵy normalardyń artyq reglamentteýden aryltatyn zańdy ekinshi oqylymda qabyldap, Senatqa joldady.

Qujattyń sońǵy redaktsııasyn tanystyrǵan depýtat Qudaıbergen Beksultanov osy zań arqyly «Keleshek» biryńǵaı erikti jınaqtaý júıesiniń qyzmetin reglamentteıtin qosymsha túzetýlerdi engizgenin atap ótti.

«Budan basqa, kreatıvti ındýstrııany damytýǵa jergilikti atqarýshy organdardyń, Úkimettiń jáne ýákiletti organnyń quzyretin belgileý normalary qaraldy. Zań jobasy jumys toptarynda jáne Komıtettiń keńeıtilgen otyrysynda jan-jaqty talqylandy.Joba boıynsha Qazaqstan Respýblıkasy Parlament Májilisiniń komıtetteri oń qorytyndylaryn berdi», - dedi ol.

Eske salsaq, qujattyń birinshi oqylymynda «Keleshek» jobasy arqyly joǵary bilimge aqsha jınaqtaýdyń tetikteri naqtylanǵan edi.