Depýtattar Keden odaǵyndaǵy taýarlardyń eksporty men ımporty kezinde janama salyqtar alýǵa qatysty qujatty maquldady
ASTANA. Maýsymnyń 9-y. QazAqparat - Parlament Májilisiniń jalpy otyrysynda «Keden odaǵyndaǵy taýarlardyń eksporty men ımporty kezinde janama salyqtar alý tártibi men olardyń tólenýin baqylaý tetigi týraly hattamany ratıfıkatsııalaý týraly» zań jobasyn maquldandy,
dep habarlaıdy QazAqparat.
Qarjy mınıstri Bolat Jámishevtiń aıtýynsha, atalmysh hattama janama salyqtardy alý men olardy ákimshilendirý tetikterin qarastyrady. Sonymen qatar janama salyqtardy eseptep, tirkeý boıynsha jańa qujattar engiziledi. «Hattamanyń 2-shi baby boıynsha Kedendik odaqqa múshe bir memlekettiń aýmaǵynan ekinshi memlekettiń aýmaǵyna tasymaldanatyn taýardan alynatyn janama salyq taýar ımporttalatyn memlekettiń zańdarymen bekitiledi. Al taýardyń ıesi onyń zańdy qojaıyny nemese kelisim boıynsha taýarǵa ıelik etýge quqyly azamat bolyp tabylady», dedi mınıstr.
