Depýtattar Qazaqstandaǵy mádenıet jáne sport nysandaryna aýdıt jasaýdy usyndy
ASTANA. KAZINFORM – Búgin Májilistiń jalpy otyrysynda Amanat fraktsııasynyń depýtattary Qazaqstandaǵy mádenı ári sport nysandarynda qaýipsizdikti qamtamasyz etýge qatysty usynys jasady.
Depýtattyń aıtýynsha, Reseıdegi Crocus City Hall ǵımaratynda bolǵan teraktiden keıin Qazaqstandaǵy jaýapty organdar osy oqıǵany tolyq zerttep, tıisti sabaq alýy kerek.
«Ortalyq jáne jergilikti atqarýshy organdar Memleket basshysy Qasym-Jomart Toqaevtyń Qazaqstan Respýblıkasy Qaýipsizdik Keńesiniń shuǵyl otyrysynda bergen tapsyrmalarynyń naqty oryndalýyn qamtamasyz etedi dep senemiz. Sonymen birge, kelesi máselelerge aýdarý kerek dep oılaımyz. Birinshiden, mádenıet jáne sport obektilerin salý jáne olardy mindetti memlekettik qabyldaý máselelerine memlekettik baqylaýdy kúsheıtýge nazar aýdarý qajet. ıAǵnı, qurylysta paıdalanylatyn materıaldardan bastap, olardy paıdalaný kezinde azamattar men personaldyń qaýipsizdigin qamtamasyz etý máselelerine erekshe mán berý kerek», - dedi depýtat Aıdos Sarym Úkimet basshysy Oljas Bektenovtiń atyna joldaǵan saýalynda.
Onyń paıymynsha, elimizdegi árbir kontsert zaly men sport nysanynda tótenshe jaǵdaılarǵa qatysty naqty josparlar bolýy tıis. Olardyń qyzmetkerleri daıyndyqtan ótip, azamattar kóp jınalatyn is-sharalar qarsańynda turaqty túrde tıisti nusqamalardy alýy qajet. Uıymdastyrýshylar qajet bolǵan jaǵdaıda qosymsha personaldy tartyp, adamdardyń kedergisiz shyǵýyn qamtamasyz etý qajet bolǵan jaǵdaıda ishki ister organdary men tótenshe jaǵdaılar organdary ókilderin tartýy kerek.
«Adamdar jıi baratyn mádenıet jáne sport nysandarynda lańkestikke qarsy, órtke qarsy jáne basqa da qaýipsizdik is-sharalary boıynsha, sondaı-aq olardy tıisti dabyl quraldarymen jáne órt sóndirý jabdyqtarymen qamtamasyz etilýine aýdıt júrgizý kerek. Atap aıtqanda, osy qurylǵylardyń naqty jumys istep turǵanyn rastaý úshin turaqty túrde tekserip otyrý qajet. Mundaı jańa nysandardy salý kezinde seısmıkalyq jáne órt qaýipsizdiginiń barlyq talaptary eskerilip, otqa tózimdi materıaldardy paıdalanýǵa nazar aýdarǵan jón», - dedi depýtat.