Depýtattar qazaq-ózbek shekarasynan ótkizý erejesine túzetýler engizbekshi
ASTANA. QazAqparat - Depýtattardyń jumys aptasy Parlamenttiń birlesken otyrysynan bastaldy. Sondaı-aq, búgin Senatta QR Joǵarǵy sot sýdıalaryn jumystan bosatý máselesi talqylanady, dep xabarlaıdy QazAqparat tilshisi.
"Al 20 maýsymda xalyqaralyq qatynastar, qorǵanys jáne qaýipsizdik komıteti qazaq-ózbek shakarasynan ótý týraly zań jobasyna qandaı túzetýlerdiń qajet ekenin sheshpek. Budan bólek, seısenbi kúni senatorlar memlekettik bilim jınaq júıesine qatysty keıbir zańnamalyq aktilerge ózgerister engizý máselesin talqylaıdy", - dedi Ortalyq kommýnıkatsııalar qyzmetiniń resmı ókili Oksana Loskýtova búgingi brıfıngte.
Sársenbi, 21 maýsymda azamattyq qorǵanysty damytý máselesine arnalǵan parlamenttik tyńdaýlar ótedi. Kelesi kúni Senatta Qazaqstan men Qyrǵyzstan arasyndaǵy temirjol kólik qyzmeti týraly kelisimdi ratıfıkatsııalaý jaıy talqylanady. "Sondaı-aq, 22 maýsymda Májiliste ınnovatsııalyq ekonomıkany zańnamalyq qamtamasyz etý boıynsha xalyqaralyq konferentsııa uıymdastyrylady. Oǵan Frantsııa, Lıtva, Germanııa, Italııa jáne basqa da shet elderdiń ókilderi qatysady", - dep atap kórsetti O. Loskýtova.
