Depýtattar qazaq álipbıin latynǵa kóshirý máselesin talqylaıdy
ASTANA. 27 naýryz. QazAqparat - Erteń, 28 naýryzda Parlament Májilisinde Áleýmettik-mádenı damý komıtetiniń keńeıtilgen otyrysy ótedi. Komıtet tóraıymy Darıǵa Nazarbaevanyń jetekshiligimen ótetin jıyn barysynda depýtattar qazaq álipbıin latynǵa kóshirý máselesin talqylaıtyn bolady.
Bul týraly Májilistiń baspasóz qyzmetinen habarlandy.
Májilis depýtattary aldynda atalǵan másele boıynsha eki vıtse-mınıstrdiń baıandamasy kútiledi. Atap aıtqanda, Mádenıet jáne aqparat vıtse-mınıstri Arman Qyryqbaev pen Bilim jáne ǵylym vıtse-mınıstri Murat Ábenov baıandama jasaıtyny josparlanǵan.
Budan bólek, máseleni talqylaýǵa Eýrazııa ulttyq ýnıversıtetiniń ǵalymdary men birqatar respýblıkalyq ǵylymı uıymdardyń ókilderi qatysatyny qarastyrylǵan.
