Depýtattar qaýipti kásipterdiń jumysshylaryna zeınetke shyǵý jasyn tómendetýdi surady
«Jaqynda Qaraǵandydaǵy «Abaı» shahtasynda kenshilerdiń qaza tapqany barlyǵymyzǵa belgili. «Aq jol» demokratııalyq partııasy qaza bolǵandardyń týǵan-týystary men jaqyndaryna kóńil aıtady jáne zardap shekkenderdiń tezirek saýyǵyp ketýin tileıdi. Bul másele júzdegen metr jer astynda nemese ystyq metallýrgııalyq peshterde jumys isteıtin adamdarǵa, atap aıtqanda buryn «1-tizim jáne 2-tizim» boıynsha zeınetaqymen qamtamasyz etýge quqyǵy bar qaýipti jáne asa qaýipti kásipterdiń barlyq ókilderine áleýmettik ádilettilik máselesin taǵy da kúsheıtti. Másele tek qaza tapqandardyń otbasylaryna tólemder men ótemaqylarda ǵana emes, olardyń jaqyndaryn endi eshqandaı aqsha qaıtara almaıdy. Problema qandaı da bir apatsyz-aq, osy qaýipti kásippen aınalysatyn jumysshylardyń kópshiligi zeınetkerlik jasqa jetpeı-aq túrli syrqattarmen aýrýǵa shaldyǵýynda jáne óz mamandyǵy boıynsha jumys isteý qabiletin joǵaltyp, tipti kópshiligi zeınetkerlik jasqa deıin ómir súrmeýinde», - dedi M. Ramanqulov Úkimet basshysynyń orynbasary Eraly Toǵjanovtyń atyna joldaǵan saýalynda.
Osyǵan baılanysty «Aq jol» depýtattyq fraktsııasy 1 jáne 2-tizimderge sáıkes shahterler, metallýrgter jáne basqa da kásipter úshin zeınetke shyǵý jasyn qaıtarý qajet dep sanaıdy.
«Buryn bizdiń áriptesterimizdiń osyǵan uqsas saýalyna Eńbek mınıstrligi zııandy eńbek jaǵdaılarynda jumys isteıtin azamattar zeınetaqy annýıtetin 40 jastan paıdalana alady, bul rette osyndaı sharttar boıynsha tólemder 50 jastan bastalady dep jaýap bergen bolatyn.
Resmı saıttaǵy aqparatqa sáıkes, 40 jastan keıinge qaldyrylǵan zeınetaqy annýıteti úshin (50 jastan bastap tólemderdiń bastalýymen) mınımaldy jetkiliktilik shegi búgingi kúni 6 mln teńge dep belgilendi, bul 5 jyl úzdiksiz kásibı zeınetaqy aýdarymdary bolǵan jaǵdaıda ǵana múmkin», - dedi depýtat.
