Depýtattar qarjy pıramıdasyn jarnamalaýshylardy jaýapqa tartýdy usyndy

NUR-SULTAN. QazAqparat – Parlament depýtattary qarjy pıramıdasyn jarnamalaǵandardy qylmystyq jaýapqa tartýdy qarastyratyn zań jobasyna bastamashylyq jasady. Bul týraly Májilistiń jalpy otyrysynda depýtat ıÝrıı Lı aıtty, dep habarlaıdy QazAqparat tilshisi.

«Bıyl 11 sáýirde «MUDARABAH CAPITAL» qarjy pıramıdasynan zardap shekkenderdiń biri elordada ózin órtep jiberdi. Bul tragedııaǵa ne sebep boldy? Zań boıynsha qarjy pıramıdasynyń qyzmetine tyıym salynǵan. Alaıda adamdar jeńil aqshanyń sońyna erip, osyndaı kúmándi jobalarǵa jınaǵan qarajatyn salyp jatyr. Alaıaqtar myńdaǵan qazaqstandyqty jınaǵan qarajatynan, kóliginen, páterinen aıyryp, kóbisin nesıe men qaryzǵa batyrdy. Bul óz kezeginde bizdiń azamattardyń qarjylyq saýatylyǵynyń tómendigimen baılanysty», - dedi ıÝ. Lı quzyrly organdarǵa joldaǵan saýalynda.

Osy oraıda ol buǵan deıin jasalǵan depýtattyq saýaldardyń birinde «MUDARABAH CAPITAL» JShS qarjy pıramıdasynyń jarnamasyna qatysqandardy jaýapkershilikke tartý týraly aıtylǵanyn eske saldy.

«Sonymen qatar Májilis depýtattary tıisti zań jobasyna bastamashylyq jasady. Onda qarjy pıramıdasynyń jarnamasy úshin qylmystyq jaýapkershilikti engizý eskerilgen. Tıisti rásimderden keıin, atalǵan zań jobasyn talqylaýǵa kirisemiz», - dedi depýtat.

Buǵan deıin Nur-Sultan qalasynda ózin órtegen áıeldiń aýrýhanaǵa jatqyzylǵanyn habarlaǵan edik.

Keıin Almaty polıtsııasy ózin órtegen áıel aıyptaǵan qarjy pıramıdasyna qatysty túsinik berdi.