Depýtattar ishki ister mınıstrin taǵaıyndaýdy Prezıdenttiń quzyretinde qaldyrýdy surap otyr

ASTANA. QazAqparat - Búgin Konstıtýtsııalyq reformalarǵa arnalǵan Parlament palatalarynyń birlesken otyrysynda depýtattar ishki ister mınıstrin taǵaıyndaýdy Prezıdenttiń quzyretinde qaldyrýdy surady, dep habarlaıdy QazAqparat tilshisi.

"Konstıtýtsııanyń qazirgi redaktsııasy boıynsha qorǵanys, ishki ister, ádilet jáne syrtqy ister mınıstrlerin Prezıdenttiń ózi taǵaıyndaıdy. Al konstıtýtsııalyq ózgeristerge sáıkes, ádilet jáne ishki ister mınıstrin alyp tastap, tek syrtqy ister men qorǵanys mınıstrlerin qaldyrý usynylyp otyr. Jaraıdy, ádilet mınıstrin taǵaıyndaýdy Memleket basshysynyń quzyretinen shyǵarýǵa bolady. Al ishki ister mınıstrliginiń qoǵamdyq tártip pen ishki qaýipsizdik sııaqty strategııalyq jumysyn eskere otyryp, ony taǵaıyndaý máselesin Prezıdentke qaldyrý qajet dep sanaımyz", - dedi depýtat Anar Jaıylǵanova.

Búgingi konstıtýtsııalyq reformalar boıynsha jumys tobynyń jetekshisi, Prezıdent Ákimshiliginiń basshysy Ádilbek Jaqsybekov atalǵan máseleniń qyzý talqyǵa túskenin jetkizip: "Shynymen de, ishki ister mınıstrliginiń quramynda Ulttyq ulan sııaqty áskerı qurylym bar. Al Prezıdent Qazaqstannyń Joǵarǵy Bas Qolbasshysy bolyp sanalady. Sondyqtan bul máseleni áli de qarastyrý qajet. Endi, Prezıdent buny Parlamenttiń talqylaýyna shyǵaryp otyr. Osyǵan baılanysty bárińizge keńesip, ishki ister mınıstrin taǵaıyndaýdy Prezıdenttiń quzyretine qaldyrýyńyzǵa bolady", - dep atap kórsetti.

Aıta keteıik, otyrys barysynda Jaqsybekov jańa konstıtýtsııalyq ózgerister boıynsha depýtattardyń mınıstrlerdi taǵaıyndaý jáne jumystan shyǵarý jumysyna qatysa alatyndyǵyn jetkizd i.