Depýtattar «Grýpp 4 Sekýrıkor» kompanııasynyń aımaqtyq atqarýshy dırektory Vıllem Antonıýs Henrıkýs Van den Venmen kezdesti
ASTANA. 15 maýsym. QazAqparat - Búgin Parlament Senatynda Zańnama jáne quqyqtyq máseleler komıtetiniń hatshysy Serik Aqylbaı bastaǵan depýtattar «Grýpp 4 Sekýrıkor» kompanııasynyń aımaqtyq atqarýshy dırektory Vıllem Antonıýs Henrıkýs Van den Venmen kezdesti, dep habarlaıdy QR Parlamenti Senatynyń baspasóz qyzmeti.
Kezdesý barysynda bostandyqty shekteýge baılanysty emes, sondaı-aq qamaýǵa alýǵa balama jazalardy qoldaný salasyndaǵy aldyńǵy qatardaǵy halyqaralyq tájirıbeni engizý máseleleri talqylandy.
Kompanııanyń atqarýshy dırektory depýtattardy Top qyzmeti týraly habardar etip, qoǵamdyq jáne jeke qaýipsizdik salasyndaǵy jumys tájirıbesi, sot sheshimderiniń oryndalýyn qamtamasyz etý, sot protsesterindegi tártipti uıymdastyrý, abaqtylar men arnaıy mekemelerdi basqarý týraly áńgimeledi.
Kezdesýde álemdegi tabysty tájirıbelerdi, ásirese, aıyptalýshylardyń minez-qulqyn, shartty túrde sottalǵandar men shartty túrde merziminen buryn bosaǵandardy baqylaýdy jetildirý bóliginde quqyq qorǵaý organdarynyń qyzmetine ınnovatsııalyq tehnologııalardy engizýdiń mańyzdylyǵy atalyp ótildi.
