Depýtattar Gleb Şegelskııdi bir mınýt únsizdikpen eske aldy
NUR-SULTAN. QazAqparat – Búgin Májilis depýtattary jalpy otyrysta qaıtys bolǵan Gleb Şegelskııdi bir mınýt únsizdikpen eske aldy, dep habarlaıdy QazAqparat.
17 qazan kúni Májilistiń V jáne VI shaqyrylym depýtaty Gleb Şegelskıı júrek talmasynan mezgilsiz qaıtys boldy.
«Gleb Anatolevıch Májilistiń Ekologııa jáne tabıǵat paıdalaný máseleleri jónindegi komıtetin basqara otyryp, óziniń kúsh-jigerin, bilimi men tájirıbesin elimiz ben halqymyzdy ıgiligine baǵyttaǵan edi. Ol osy jyldary Úkimetpen de belsendi jumys istedi. Osy oraıda jańa Ekologııalyq kodekstiń jobasy boıynsha eleýli qyzmet etti», - dedi Májilis tóraǵasy Nurlan Nyǵmatýlın.
Jalpy otyrystyń basynda depýtattar Gleb Şegelskııdi bir mınýt únsizdikpen eske aldy.
Budan buryn habarlanǵandaı, qaıǵyly jaǵdaıǵa baılanysty Májilis spıkeri Nurlan Nyǵmatýllın marqumnyń otbasyna, týys-týǵandary men jaqyndaryna kóńil aıtqan bolatyn.
