Depýtattar elorda damýyna tek zań qabyldaýmen ǵana úles qospaıdy - Májilis depýtaty M.Ábenov
ASTANA. Qyrkúıektiń 18-i. QazAqparat /Qanat Mámetqazyuly/ - Depýtattar elordanyń damýyna zań shyǵarmashylyǵy boıynsha ǵana úles qospaıdy.
Bizdiń árqaısymyz bas qalanyń damýy úshin úlken janashyrlyq bildirgimiz keledi. Búgin Parlament depýtattary men qos palata apparatynyń qyzmetkerleri de qatysqan jalpyqalalyq senbilikte Májilis depýtaty Murat Ábenov osylaı málim etti.
«Bizdiń barlyǵymyz bas qalamyz-astananyń gúldengenin qalaımyz, jáne osy úshin tek qana zańdardy nemese qandaı da bir sheshimderdi qabyldap qana úles qospaımyz. Kóktemde elordanyń kógaldana túsýi úshin, qala kórkin odan saıyn jaqsarta túsýi úshin aǵashtar otyrǵyzamyz. Bul elordadaǵy shań-tozańnyń azaıyp, aýasynyń tazara túsýine septigin tıgizedi. Tipti, keıinderi osy aǵashtarǵa qarap, ótken ýaqytty eske alatyn da bolarmyz», dedi M. Ábenov.
Esterińizge sala keteıik, dástúrli senbilikter boıynsha, parlamentshiler Astana kelbetin aıshyqtaı túsetin jańa saıabaqtardy qalyptastyryp, kóshetter otyrǵyzady. Búgin, atap aıtqanda, «Han shatyr» saýda oıyn-saýyq ortalyǵynyń aýmaǵy depýtattardyń otyrǵyzǵan terek pen úıeńkiniń kóshetteri arqasynda jasyl alleıamen tolyqty.
