Depýtattar «dóńgelek ústelde» tehnıkalyq retteý jáne metrologııa máselelerin talqylamaq

ASTANA. 9 aqpan. QazAqparat - 10 aqpan kúni Astanada ótetin  dóńgelek ústel otyrysy barysynda elimizdiń keıbir zańnamalyq aktilerine tehnıkalyq retteý jáne metrologııa máseleleri boıynsha túzetýler engizýdi kózdeıtin zań jobasy talqyǵa salynady.

«Dóńgelek ústeldi» QR Indýstrııa jáne jańa tehnologııalar mınıstrligi jáne Májilistiń Ekonomıkalyq reforma jáne óńirlik damý komıteti birlesip uıymdastyryp otyr.

Zań jobasyn ázirleý tehnıkalyq retteý salasyndaǵy ulttyq zańnamany Eýrazııalyq ekonomıkalyq qoǵamdastyqtyń (Keden odaǵynyń joǵary organy) Memleketaralyq keńesiniń 2009 jylǵy 11 jeltoqsandaǵy №27-nshi sheshimimen qabyldanǵan halyqaralyq sharttarǵa sáıkes keltirý qajettiligine negizdelgen.

Zań jobasy boıynsha qurylǵan jumys tobyna atalǵan komıtettiń múshesi Elena Tarasenko jetekshilik etedi.

Dóńgelek ústelde Májilistiń Ekonomıkalyq reforma jáne óńirlik damý komıtetiniń tóraǵasy Seıitsultan Áıimbetov kirispe sóz sóıleıdi dep kútilýde. Sonymen qatar QR Indýstrııa jáne jańa tehnologııalar mınıstriniń orynbasary Qanysh Tóleýshınniń, Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıtetiniń tóraǵasy Ryskeldi Sátbaevtyń baıandama jasaýy josparlanýda.

Atalǵan salanyń qyzmetine qatysty zań jobasyn jetildirý máseleleri jóninde birqatar kásiporyndardyń jetekshileri de sóz sóıleýi qarastyrylýda.