Depýtattar bıznes kedergilerin azaıtýǵa baǵyttalǵan júıemen tanysty

ASTANA. QazAqparat - Búgin QR Parlamenti Májilisniń depýtattary Ekonomıkalyq reforma jáne óńirlik damý komıtetiniń kóshpeli otyrysy aıasynda «Astana - kedendik rásimdeý ortalyǵy» kedendik beketine bardy, dep habarlaıdy QazAqparat tómengi palatanyń baspasóz qyzmetine silteme jasap.

Ekonomıkalyq reforma jáne óńirlik damý komıtetiniń ókilderi N.Sabılıanov, M.Qazbekova, M.Aısına jáne basqa da depýtattar «ASTANA-1» kedendik jáne salyqtyq ákimshilendirýdiń aqparattyq júıesin engizý boıynsha sharalarmen tanysty.

Otyrys barysynda halyq qalaýlylary 2018 jyldyń 1 qańtarynan bastap taýarlardy kedendik rásimdeýdi jedeldetýge, kedendik ákimshilikti jeńildetýge jáne bıznestiń ákimshilik kedergilerin azaıtýǵa baǵyttalǵan «ASTANA-1» kedendik jáne salyqtyq ákimshilendirýdiń aqparattyq júıesi arqyly elektrondy deklaratsııany engizýge daıyn ekendigin kórdi.

Sonymen qosa, shara barysynda Qarjy mınıstrligi Memlekettik kirister komıteti tóraǵasynyń orynbasary Ǵ.Ámrın atalǵan máseleler boıynsha keńinen baıandady.