Depýtattar birqatar laýazym ıelerine 488 saýal joldady
ASTANA. 26 sáýir. QazAqparat - Parlamenttiń tórtinshi shaqyrylymynyń tórtinshi sessııasynyń basynan beri, ıaǵnı, 2010 jylǵy 1 qyrkúıek - 2011 jylǵy 15 sáýir aralyǵyndaǵy kezeńde Májilis depýtattary birqatar laýazym ıelerine 488 saýal joldap, 26 ótinish jasady.
Kóterilgen máselelerdiń basym bóligi ІÚ saılanǵan ІÚ sessııanyń ashylýynda Memleket basshysy depýtattardyń aldyna qoıǵan jáne Qazaqstan Prezıdentiniń jyl saıynǵy Joldaýynan týyndaıtyn mindetterdi sheshýmen baılanysty bolyp otyr.
500-ge jýyq saýaldyń ishinde 313-i QR Premer-Mınıstri Kárim Másimov myrzanyń atyna joldanǵan. Salalyq mınıstrlerge 104, elimizdiń Bas prokýroryna 30 depýtattyq saýal jiberilgen eken. Ózge de agenttik pen memlekettik organdarǵa saýaldar men ótinishter joldanǵan.
Depýtattardyń saýalyndaǵy ózekti máseleler burynǵysynsha ekonomıkany turaqtandyrý jáne ǵalamdyq qarjy daǵdarysynyń zardabyn eńserý bolyp tabylady.
Qazaqstan Respýblıkasynyń Strategııalyq damý josparyna sáıkes birqatar depýtattar óz saýaldarynda óńirlerde densaýlyq saqtaý jáne bilim obektileriniń qurylysyna, onyń ishinde «100 mektep, 100 aýrýhana» baǵdarlamalary jáne «Balapan» baǵdarlamasy sheńberinde qarjy bólý máselelerin kóteredi. Onyń syrtynda, medıtsınalyq jabdyqtardy satyp alý úshin jáne medıtsınalyq uıymdardy materıaldyq-tehnıkalyq jabdyqtaýǵa, balabaqshalar men orta bilim beretin mektepterdi iske qosýǵa qarjy bólý jóninde máseleler qoıyldy.
Sonymen qatar, depýtattar óz saýaldarynda memlekettik qyzmetshilerge, onyń ishinde zeınetkerlikke shyǵýyna baılanysty olardyń memlekettik qyzmetti toqtatýy kezinde áleýmettik kepildikter belgileýdi suraıdy.
Depýtattar óz saýaldarynda balanyń quqyǵyn, atap aıtqanda tegin medıtsınalyq kómek alýyn, turǵyn úıdiń balanyń qamqorshysy esebinen saqtalýyn, jetim balalardyń mýnıtsıpaldyq turǵyn úı alýyn qamtamasyz etý jóninde, sondaı-aq balalar tárbıesin óz dárejesinde júzege asyrmaıtyn ata-analar men qamqorshylardy jaýaptylyqqa tartý máselelerin kóterdi.
Shyǵys Qazaqstan, Qostanaı, Aqmola jáne Almaty oblystarynyń aýyldyq jerlerin aýyz sýmen qamtamasyz etý máselesine birqatar depýtattar alańdaýshylyq bildiredi.
«Jol kartasy» baǵdarlamasynyń oryndalýy jáne osyǵan baılanysty bólingen qarjynyń atqarylǵan jumystardyń sapasyna, túrli obektilerdegi jumysshylarǵa eńbekaqy tólenýi men zeınetaqy tólemderiniń júzege asyrylýyna sáıkes kelýin tekserý máseleleri jekelegen depýtattardy alańdatyp otyr.
Depýtattyq saýaldarda qoǵamdyq, saıası-áleýmettik mańyzy bar basqa da máseleler qamtylǵan.
