Depýtattar bir kúndik jalaqysyn maqtaaraldyqtarǵa aýdardy
NUR-SULTAN. QazAqparat – Májilis depýtattary bir kúndik jalaqysyn Túrkistan oblysynda sý basý saldarynan zardap shekkenderge aýdardy, dep habarlaıdy QazAqparat.
«Palata Spıkeri Nurlan Nyǵmatýlınniń tóraǵalyǵymen Májilis Bıýrosy bir kúndik eńbekaqyny Túrkistan oblysynyń Maqtaaral aýdanyndaǵy eldi mekenderdi sý basý saldarynan zardap shekkenderge kómek kórsetý úshin «Túrkistan» korporatıvtik áleýmettik damý qoryna aýdarý týraly Qaýly qabyldady», - delingen taratylǵan habarlamada.
Osy oraıda qarjy aýdan turǵyndarynyń tirshiligin, búlingen úılerdi, ınfraquralymdardy qalpyna keltirýge baǵyttalady.
Budan buryn habarlanǵandaı, búgin Úkimet otyrysynda Túrkistan oblysynyń ákimi Ómirzaq Shókeev 31 606 turǵyn 14 eldi mekennen evakýatsııalanǵanyn, onyń ishinde 6 127 turǵyny bar 5 eldi mekendi sý tolyǵymen basqanyn aıtty.
