Depýtattar bıdaıdy bıootyn shyǵarý úshin paıdalanýǵa qarsy
A. Aqpannyń 3-i. QazAqparat /Qanat Mámetqazyuly/ ‑ Búgin QR Parlamenti Májilisiniń jalpy otyrysynda «Bıootyn óndirisi jáne aınalymyn memlekettik retteý týraly» zań jobasyn ekinshi oqylymda talqylaý barysynda birqatar depýtattar bıdaıdy bıootyn shyǵarý úshin paıdalanýǵa qarsy shyqty. Zań jobasy osy sebepterge oraı Bas komıtetke pysyqtaý úshin qaıtaryldy,
dep habarlaıdy QazAqparat.
«Álemde astyqty mol óndiretin elder, onyń ishinde AQSh, Kanada, Reseı, Ýkraına, Qytaı, Eýroodaq memleketterinde bıootyn óndirisine bıdaıdy paıdalaný úshin kvota belgilenedi nemese túbegeıli ruqsat berilmeıdi. Bıootyn óndiretin zaýyttar buny azyq-túlikke jatpaıtyn daqyldardan - qamys quraǵynan, kúrish sabanynan, aǵash úgindilerinen óndiredi. Al myna zań jobasyn talqylaǵan kezde agrarlyq salanyń ǵalymdary, qoǵam qaıratkerleri de bıdaı sekildi azyq-túlik daqyldaryn bıootyn óndirýge paıdalanýǵa qarsy shyqty. Buny kvota arqyly Úkimetpen qadaǵalaý qajettigin aıtady. Eger biz buǵan qaramaı, bıdaıdy bıootyn óndirisine paıdalanýǵy tyıym salmasaq, onda Qazaqstan azyq-túlik qaýipsizdigine mán bermeıtin, bıootyn óndirýge esh tosqaýyl qoımaıtyn álemdegi birinshi memleketke aınalady», dedi jobany talqylaý barysynda depýtat Ermuhamet Omarov.
Onyń aıtýynsha, bıootyn óndireten kez-kelgen memleket eń aldymen azyq-túlik qaýipsizdigin eskerip, bıdaıdy bul baǵytta óńdeýge ruqsat bermeı otyr. «Bir jaǵynan dúnıejúzinde mıllıondaǵan halyq ashtyq qasiretin shegip otyr. Al EQYU sekildi bedeldi uıymǵa tóraǵalyq ete otyryp, Qazaqstan azyq-túlik qaýipsizdigi boıynsha ǵana emes, álemdi jaılaǵan asharshylyq máselesine de óziniń ustanymyn kórsetýi shart. Budan bólek, qazaq halqy 1931-1933 jyldary asharshylyqty óz basynan ótkizip, mıllıondaǵan adamynan aıyryldy. Buny esh ýaqytta umytpaý qajet. Aqsha men paıda tabý úshin ǵana bızneske barlyq jaǵdaıda ruqsat berýge bolmaıdy, basqa jaqtaryn da oılaǵan abzal. Onyń ústine Qazaqstan munaǵa baı el. Іshki naryqty ǵana emes eksporttyq áleýetimiz de kúshti. Sol úshin bıdaıdy bıootynǵa paıdalanýdy shekteý qajet», dedi E. Omarov.
Depýtattyń osy máselesin basqa da áriptesteri qoldady. Máselen, depýtat Rozaqul Halmuradov: «Qazaqstanda astyq mol bolǵanymen, jer sharynda mıllıondaǵan jurt bir úzim nanǵa zar bolyp otyr. Eger bıootyn kerek bolsa, Úkimet ony basqa shıkizattan óńdeýdi qoldasyn», dedi depýtat.
