Depýtattar bastamasymen ázirlenetin zań jobasy jyl sońyna deıin 15 -ke jetedi - N. Nyǵmatýlın
ASTANA. 28 maýsym. QazAqparat - Depýtattar bastamalarymen ázirlenetin zań jobalary jyl sońyna deıin 15-ke jetedi.
Búgin besinshi saılanǵan Parlamenttiń ekinshi sessııasynyń jabylýyna arnalǵan otyrysta Májilis spıkeri Nurlan Nyǵmatýlın osylaı málim etti.
Jıyn barysynda ekinshi sessııadaǵy zań shyǵarmashylyǵyna qatysty sóz etken spıker, osy aralyqta qabyldanǵan mańyzdy jobalarǵa toqtaldy. «Bul zań jobalarynyń arasynda áleýmettik mańyzdy qyzmetterdi ońtaılandyrý jáne avtomattandyrý týraly qujat ta bar. Osy rette mundaı el ómirinde úlken mańyzǵa ıe zań jobasyn bizdiń depýtattar ázirlegenin aıtqym keledi. Soǵan oraı, parlamentshilerdiń zańnamalyq bastamaǵa depýtattardyń da belsendiligin atap ótemin. Atap aıtalyq, 2012 jyldyń qańtarynan Májilis depýtattary 10 zań jobasyna bastamashylyq jasady. Olardyń 5-eýine Prezıdent qolyn qoıyp, zańdyq kúshine endi. Budan bólek, aǵymdaǵy jyldyń sońyna deıin depýtattardyń ózderi ázirlegen zań jobasynyń sany 15-ke jetedi», - dedi spıker N. Nyǵmatýlın.
