Depýtattar balalar densaýlyǵyna zııandy taǵamdar men energetıkter boıynsha zań jobasyn ázirledi

ASTANA. KAZINFORM — Zııandy tamaqtyń kesirinen aýrýǵa shaldyqqan balalar sany artty. Bul týraly Quryltaıdaǵy Úkimet saǵatynda depýtat Ashat Aımaǵambetov málim etti.

5–9 jastaǵy balalardyń 23,2%-ynda artyq salmaq anyqtalǵan
Foto: Kazinform/JI

- Memleket basshysy tamyz konferentsııasynda fastfýdtyń agressıvti jarnamasyna erekshe nazar aýdardy. Zııandy tamaqtyń kesirinen aýrýǵa shaldyǵyp, dáriger baqylaýynda júrgen balalar sany ósip keledi. Jasóspirimder arasynda energetıkti jıi ishetinderdiń úlesi de bizdi alańdatady, - dedi A.Aımaǵambetov.

Osy oraıda ol elde energetıkterdi 21 jasqa deıingi jastarǵa satýǵa tyıym salynǵanyn jáne tıisti aıyppul da engizilgenin eske saldy.

- Biraq másele áli tolyq sheshilgen joq. Ony ózderińiz jaqsy kórip otyrsyzdar. Sondyqtan depýtattar balalar densaýlyǵyna zııandy taǵamdar men energetıkter boıynsha taǵy da bir zań jobasyn daıyndady, - dedi depýtat.

Buǵan deıin Densaýlyq saqtaý mınıstrligi balalarǵa arnalǵan fastfýd jarnamasyn shekteýdi usynǵanyn jazǵan edi.