Depýtattar balalalardy kemsitýshilikke qarsy zań jobasyn ázirledi
NUR-SULTAN. QazAqparat - QR Parlamentiniń depýtattary balalalardy kemsitýshilikke qarsy zań jobasyn ázirledi. Qujatty búgin zań shyǵarmashylyq qyzmet máseleleri jónindegi vedomstvoaralyq komıssııasy otyrysynda Májilis depýtaty Snejana Imasheva tanystyrdy, dep habarlaıdy QazAqparat tilshisi.
Onyń atap ótýinshe, zań jobasy birneshe kodeks pen zańǵa túzetýler engizýdi kózdeıdi. Eń birinshi QR Qylmystyq kodeksiniń tárbıelik yqpal etýdiń mábúrli sharalaryn qodanýǵa qatysty kámeletke tolmaǵandardy profılaktıkalyq esepke alý jáne baqylaýdy anyqtaý bóligine ózgeris engiziledi. Ekinshiden, QR Ákimshilik quqyq buzýshylyq týraly kodeksiniń kámeletke tolmaǵandarǵa jeńil dene jaraqatyn salý jáne uryp-soǵý bóliginde túzetýler qarastyrylady. Úshinshiden, QR Eńbek kodeksine 14 jasqa tolmaǵan tulǵalarmen, joǵary sanattaǵy sportshylarmen shart jasasý engiziledi.
«Tórtinshiden, «Balalardyń quqyǵy týraly» zańǵa balalardy kemsitýshilikke tyıym salý, balanyń baspana alý quqyǵyn naqtylaý, balany tárbıeleý, asyraýdaǵy ata-ananyń mindetterin keńeıtý kózdeledi», - dedi depýtat.
Sonymen qatar Májilis depýtaty elimizdiń «Kámeletke tolmaǵandar arasyndaǵy quqyq buzýshylyqtyń , balalardyń qaraýsyz jáne qorǵansyz qalýynyń aldyn alý týraly», «Arnaýly áleýmettik qyzmetter týraly» zańdaryna túzetýler qarastyrylatyndyǵyn aıtty.
