Depýtattar BAQ-ta LGBT týraly jazýǵa tyıym salýdy usyndy
ASTANA. KAZINFORM – AMANAT partııasy Májilistegi fraktsııasynyń depýtattary Janarbek Áshimjan men Ashat Aımaǵambetov «Mass-medıa týraly» zańǵa LGBT ókilderi týraly BAQ-ta jazýǵa tyıym salatyn túzetýler usyndy.
«Májilistegi jumys toby otyrysynda usynylǵan bastamalarǵa toqtalsam, bul jerde másele aqparatqa tyıym salý týraly emes, ony bir jaqty nasıhattaýda bolyp tur. Birjaqty túsiný men nasıhattaýdy qarama-qaıshy qoımaı, ony ınklıýzıvtilik baǵytta qabyldaý kerek», — dedi Májilis depýtaty.
Onyń atap ótýinshe, kez-kelgen máseleni obektıvti jarııa etýden úgit-nasıhatty kelesi belgiler boıynsha ajyratýǵa bolady:
— Úgit-nasıhat qoǵamdyq pikirdi belgili bir baǵytta qalyptastyrýǵa nemese ózgertýge baǵyttalǵan. Al jarııa etý aqparatty óz betinshe taldaý jáne qorytyndy jasaý úshin berýge tyrysady;
— Úgit-nasıhat aqparattyń jaǵymdy kórinisin paıdalanady, maqsatty faktilerge nazar aýdarady. Al obektıvti jarııa etý máseleniń ártúrli jaqtaryn, sonyń ishinde ártúrli pikirler men dálelderdi usynýǵa tyrysady;
— Faktilerdi tekserý. Jarııa etý aıasynda berilgen aqparatty derbes tekserýge bolady. Al úgit-nasıhatta kóbinese jalǵan málimdemeler bolady jáne olardy rastaý qıyn, keıde múmkin emes;
— Tepe-teńdik jáne kópjaqtylyq. Máseleni obektıvti túrde jarııalaý — tepe-teńdikke jáne ártúrli kózqarastardy usynýǵa tyrysady. Al úgit-nasıhat kóbinese bir jaqty jáne belgili bir ıdeologııany ilgeriletýge baǵyttalǵan.
«Sondyqtan, jańalyqtar sıpatyna ıe aqparat, aıtyp otyrǵan úgit-nasıhat bolmaıdy. Jalpy, bul bastama kóptegen qazaqstandyqtardyń ótinishteri boıynsha kóterilgenin eskerý qajet. Biz zorlyq-zombylyqtyń barlyq túrlerinde jazany kúsheıtetin zań qabyldadyq jáne siz osy zańdarǵa qarsylyq bildirgender de az emes ekenin bilesiz. Biraq biz zorlyq-zombylyqqa tózbeýshilik tanytýymyz kerek. Sonymen qatar qoǵamda alaýyzdyq týdyrýy múmkin ıdeıalardy nasıhattamaýymyz qajet. Jalpy, bul túzetý qabyldanǵan joq, áli pysyqtalýda», — dedi Janarbek Áshimjan.
