Depýtattar Azat Perýashev pen Berik Dúısenbınov Shymkenttegi Antikor ortalyǵymen tanysty
Departament basshysy Ashat Jumaǵalı depýtattarǵa servıstik ortalyqtyń jumysy Prezıdenttiń halyq únine qulaq asatyn memleket tujyrymdamasyna tolyqtaı sáıkes keletindigin jetkizdi. Antikor ortalyǵy barlyq qajetti talaptardy eskere otyryp, eń bastysy ashyqtyq, qarapaıymdylyq jáne kedergisiz qyzmet kórsetý qaǵıdaty boıynsha qurylǵan.
«Barlyq bólmeler shyny kabınetterge aýystyrylǵan «Open space» formatynda salynǵan jáne bul tıimdi ózara is-qımyl úshin jasalǵan.
Birinshi qabatta kelýshilerge keńes beretin resepshn-keńesshi, kútý orny, sondaı-aq azamattardyń yńǵaılylyǵy úshin balalar jıhazy men oıynshyqtarmen jabdyqtalǵan balalar alańshasy qarastyrylǵan. Ekinshi qabatta Adaldyq alańy jobalyq keńsesiniń qyzmetkerleri men Arnaıy monıtorıngtik top múshelerine arnalǵan kabınetter men modýldik akt zaly bar», - dep atap ótti A.Jumaǵalı.
Ortalyqtyń jumysymen tanysqan Májilis depýtattary halyqpen tyǵyz jumys jasap, ashyqtyqty barynsha qamtamasyz etip otyrǵan mekemeniń turǵyndar úshin barynsha qolaıly jaǵdaı jasaǵandyǵyn atap ótti. Al, departament basshysy jemqorlyqtyń aldyn alý maqsatynda atqarylǵan jumystardan habardar etti. Sonymen qatar, bıýdjet ashyqtyǵy men onyń maqsatty paıdalanylýyn baqylaý úshin «Ashyq bıýdjetterdiń ınteraktıvti kartasy» júzege asyrylyp otyrǵanyn, sondaı-aq memlekettik satyp alý monıtorıngi boıynsha júıeli jumys júrgizilip jatqandyǵyn atap ótti.
Odan bólek depýtat, «Aq Jol» demokratııalyq partııasynyń tóraǵasy Azat Perýashev «AANTIKOR.LIVE» jobasy aıasynda tikeleı efırge shyǵyp, Memleket basshysynyń Qazaqstan halqyna Joldaýyndaǵy negizgi basymdyqtar men megapolıske jumys saparynyń maqsatynan habardar etti. Efır barysynda el Prezıdentiniń tapsyrmalaryn júzege asyrý boıynsha «Aq jol» partııasynyń usynystarymen, depýtattyq bastamalarymen tanystyrdy.
