Depýtattar aımaqtarǵa attandy
ASTANA. 28 qarasha. QazAqparat - 28 qarasha men 7 jeltoqsan aralyǵynda Qazaqstan Respýblıkasy Parlamenti Senatynyń depýtattary Parlamenttiń osy sessııada qabyldaǵan zańdaryn túsindirý maqsatynda elimizdiń aımaqtaryna barady.
Sapar barysynda senatorlar saılaýshylarmen kezdesip, áleýmettik sala nysandarynda bolyp, naqty sektor kásiporyndaryn aralaıdy. Jergilikti ózin-ózi basqarý, ınfraqurylymdardy damytý, memlekettik baǵdarlamalardy júzege asyrý jáne kásipkerlikti qoldaý máselelerine erekshe nazar aýdarylatyn bolady. Senat depýtattary elimizdiń qarjy máselesine qatysty qabyldanǵan basty qujattary týraly jan-jaqty áńgimeleıdi. Atap aıtqanda, olar «2013 - 2015 jyldarǵa arnalǵan respýblıkalyq bıýdjet týraly», «Qazaqstan Respýblıkasynyń keıbir zańnamalyq aktilerine bıýdjet zańnamasyn jetildirý máseleleri boıynsha ózgerister men tolyqtyrýlar engizý týraly», «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» jáne «2014-2016 jyldarǵa arnalǵan respýblıkalyq bıýdjet týraly» zań jobalary.
