Depýtattar Astanadaǵy jalpyqalalyq senbilikte 150 túp tal otyrǵyzdy
ASTANA. 20 sáýir. QazAqparat - Búgin Astanada úsh saıası partııanyń Májilistegi fraktsııalary men Qazaqstan halqy Assambleıasynyń depýtattary barlyǵy 150 terek, úıeńki, shilik aǵashtaryn otyrǵyzdy.
«Tek zań shyǵarýmen ǵana aınalysyp qoımaı, elimizdiń bas qalasy - Elordany tazalaý men kórkeıtý de bizdiń jumysymyzdyń mańyzdy baǵyttarynyń biri deıdi», - májilismender.
Esterińizge sala keteıik, bul shara búgin ótken jalpyqalalyq senbilik aıasynda uıymdastyrylyp otyr. Senbilikke 300-ge jýyq Májilis depýtattary men apparat qyzmetkerleri qatysty.
