Depýtattar áskerılerdi jeke baspanamen qamtý týraly zańdy pysyqtaýǵa kiristi

ASTANA. QazAqparat - Búgin tómengi palata depýattaryna áskerı azamattardy turǵyn úımen qamtýdyń jańa júıesine arnalǵan zań jobasy tanystyryldy. Oǵan sáıkes, ishki ister organdary, ulttyq qaýipsizdik qyzmeti, áskerı prokýratýra men qarýly kúshter qyzmekterlerine baspanany jalǵa alýǵa bólinetin qarjy arnaıy esep-shottarda jınalady, dep xabarlaıdy QazAqparat tilshisi.

QR Qorǵanys vıtse-mınıstri Ábilqaıyr Ysqaqovtyń aıtýynsha, búginde áskerı azamattardyń tek birinshi kategorııasy, ıaǵnı eńbek ótili 10 jylǵa deıingi qyzmetkerlerge ǵana baspanany jalǵa alý úshin jyl saıyn 47 mlrd teńge jumsalady. Kelesi jylda atalǵan somma taǵy 14 mlrd-qa ósedi.

«Qazirgi júıe qala berse, bıýdjetten qyrýar aqsha ketedi. Al áskerı azamattar baspanaly bola almaıdy. Máselen, Astanada 4 adamnan turatyn bir áskerıdiń otbasyna aı saıyn 200 myń teńgedeı beriledi. Sonda 25 jyldyń ishinde bir otbasyǵa 50 mln teńge keteıin dep tur. Ol bıýdjetke de, áskerı adamnyń ózine de tıimdi emes», - deıdi Ysqaqov.

Onyń sózine qaraǵanda, jańa norma boıynsha áskerı azamat 15 jylda óz páterine kire alady. Oǵan sáıkes, baspanany jalǵa alýǵa bólinetin ótemaqy bank esep-shottaryna aýdarylady. Sóıtip, jeke baspanaǵa aqsha jınaýǵa jaǵdaı jasalady.