Depýtattar áskerdegi ólimdi toqtatý úshin zań jobasyn ázirlemek

ASTANA. KAZINFORM – Májilis depýtaty ıÝlııa Kýchınskaıa AMANAT partııasy uıymdastyrǵan máslıhat depýtattarynyń forýmynda jastardy áskerı-patrıottyq tárbıeleý jáne áskerge shaqyrýdy uıymdastyrý jónindegi zań jobasy týraly aıtyp berdi. Osylaısha depýtattar Qarýly Kúshterdegi qaıǵyly oqıǵalardy toqtatýdy josparlap otyr.

Óz sózinde depýtat áskerı qyzmetshilermen bolǵan qaıǵyly oqıǵalarǵa tutas qoǵam alańdaýly ekenin jetkizdi. Onyń aıtýynsha, mundaı oqıǵalardyń kóptegen sebebi bar jáne ony sheshýge ásirese zańnamalyq deńgeıde kóptegen usynystar bar.

«Parlament qabyrǵasynda áskerı-patrıottyq tárbıe boıynsha zań jobasymen jumys júrgizilýde. Áskerge shaqyrýdy uıymdastyrýdaǵy ózgerister talqylanyp jatyr. AMANAT partııasynyń Áıelder qanaty Májilis depýtattarynyń qatysýymen psıhologııalyq qyzmetterdiń, onyń ishinde áskerdegi qyzmetter týraly zań jobasyn ázirlep jatyr», - dep túsindirdi ol.

ıÝ.Kýchınskaıa barlyq deńgeıdegi máslıhat depýtattaryna osyndaı ózgeristerdi talqylaý jónindegi jumysqa qosylýdy usyndy.

Onyń aıtýynsha, qoǵammen syndarly, senimdi dıalog qana oń nátıjelerge qol jetkizýge múmkindik beredi.