Depýtattar Arselor Mıttal basshylyǵyn qylmystyq jaýapqa tartýdy talap etti
Olardyń aıtýynsha, kómir shahtalaryndaǵy jabdyqtardyń jaı-kúıi, sondaı-aq óndiriste eńbek etetin jumysshylardyń beı-bereket qysqartylýy osyndaı qaıǵyly oqıǵanyń oryn alýyna sebep boldy.
«Buǵan deıin «AMANAT» partııasynyń depýtattary qarajat únemdep, otandastarymyzdyń ólimine ákep soqtyrarlyq sheshim qabyldaıtyn kompanııanyń top-menedjmentin – sheteldik azamattaryn qylmystyq jaýapqa tartýdy talap etken edi. Birneshe eskertýge qaramastan, transulttyq kompanııanyń basshysy, Mıttal myrza otandastarymyz apatqa ushyramaýy, jaraqattanbaýy jáne qaza tappaýy úshin tıisti shara qabyldaýǵa múldem tyryspady. Biz bul sózimizdi Úkimetke qarata aıtyp otyrmyz: esep aıyrysatyn kez keldi – Mıttal myrzamen jolymyz bir emes! Onymen qoshtasatyn ýaqyt keldi!», – delinedi málimdemede.
Halyq qalaýlylary Bas Prokýrorǵa júginip, «Arselor Mıttal Temirtaý» AQ basshylyǵyn jaýapqa tartýdy talap etti.
«Mıttal úshin otandastarymyz jaı ǵana shyǵyn materıaly ispetti. Qynjylmaı qutyla salady. Bizge mundaı ınvestordyń keregi joq», – dedi depýtat Snejanna Imasheva.
Al májilismen Nıkıta Shatalov Lakshmı Mıttal keıingi jyldary oryn alǵan barlyq qaıǵyly oqıǵadan qorytyndy shyǵarmaǵanyn, al kompanııa menedjmenti úshin otandastarymyzdyń qazaǵa ushyrap jatqany jáne olardyń densaýlyǵyna udaıy qaýip tónip turǵany mańyzdy másele emes ekenin atap ótti.
«Biz kómir óndirý jáne baıytý, bolat balqytý tehnologııasyn damytýdyń ondaǵan jylyn joǵalttyq. Ol az bolǵandaı, osy nysandarda otandastarymyzdan aıyrylyp qalyp jatyrmyz. Budan arylýdyń bir ǵana joly bar – memleket Mıttaldyń kompanııasyn elden shyǵaryp, Qazaqstannyń jer qoınaýy men otandyq ónerkásipti paıdalanýy týraly onymen jasalǵan barlyq kelisimdi buzýy kerek. Budan bylaı mundaı soraqylyqqa nege tóze berýimiz kerek ekenin túsinbeımin. «Arselor» otandastarymyzdyń ólimimen baıyp otyr», – dedi depýtat.
Eske sala keteıik, buǵan deıin májilismen Erlan Saırov Lakshmı Mıttal Qazaqstan halqynyń osynaý ıgiligin esh aýyrtpalyqsyz, sý teginge alǵanyn, al «Arselor Mıttal Temirtaý» kompanııasy taýarlar men qyzmetterdi jetkizýshi qazaqstandyq kásipkerlerge shamamen 700 mln teńge qaryz ekenin aıtqan edi.
