Depýtattar Arqalyqtyń bolashaǵyn talqylamaq
QOSTANAI. QazAqparat - QR Parlamenti Májilisiniń depýtattary Qostanaı oblysyna jumys saparymen keldi, dep habarlaıdy QazAqparat.
Halyq qalaýlylary Irına Aronova, Albert Raý, Vasılıı Oleınık, Aleksandr Sýslov, Ivan Klımenko jáne Serik Qusaıynov óńirde on kún boıy bolady. Іssapardyń alǵashqy kúni olar jergilikti jýrnalıstermen kezdesip, jumys josparlarymen tanystyrdy.
«Aldymen, Denısov, Taran aýdandary men Lısakov, Jitiqara, Rýdnyı qalalaryna baramyz. «Rýhanı jańǵyrý», «100 naqty qadam» Ult josparynda aıtylǵan máselelerge erekshe mán bermekpiz. Qostanaı oblysyndaǵy shaǵyn qalalardyń taǵdyry alańdatyp otyr. Jýyrda Parlamentte Arqalyq qalasynyń bolashaǵy týraly másele kótergen edim. Monoqaladaǵy boksıt qorynyń taýsylatyny týraly osydan úsh jyl buryn aıtyldy. Shaǵyn qalalardaǵy óndiris oshaqtaryna der kezin dem berý kerek. Osy jáne ózge de máselelerdi sizdermen talqylaýǵa daıynmyn. Kelgendegi basty sebebimiz de osy», - deıdi májilismen Albert Raý.
Olar osy ýaqyt ishinde on bes qala men aýdanǵa baryp, medıtsına, bilim berý mekemeleri men óndiris oshaqtarynyń eńbek ujymdarymen kezdespek. Ár jerde qoǵamdyq kezdesýler ótkizip, turǵyndardy jeke suraqtarymen qabyldaıdy.
