Depýtattar Altaıdan Jibek jolyna deıin saıahatqa attanady
ASTANA. QazAqparat - «Uly Dala Eline saıahat: Altaıdan Jibek jolyna deıin» atty ekspedıtsııasyna belgili saıahatshylarmen birge depýtattar da qatysady. Bul týraly búgin Astanada ótken baspasóz máslıhatynda aıtyldy, dep habarlaıdy QazAqparat tilshisi.
Atalǵan ekspedıtsııaǵa 140-qa jýyq adam attanatyny kútilýde. Olardyń qatarynda kásibı gıdter, tájirıbeli saıahatshylar, jýrnalıster, trevel-blogerler, sondaı-aq depýttar men medıa tulǵalar bar.
«Ekspedıtsııa jumysyna óńirler boıynsha jergilikti depýtattardy qatystyramyz. Sebebi, bizge Májiliste «Qazaqstandyq týrızm degenimiz ne, biz ne kórsetip, ne usyna alamyz?» degen suraqtardy jıi qoıady. Osy maqsatta halyq qalaýlylary óz kózderimen kórip beletin bolady», - dedi «Kazakh Tourism» UK» AQ Basqarma tóraǵasynyń orynbasary Tımýr Dúısenǵalıev.
Aıta keteıik, jańa týrıstik baǵyttardy qalyptastyrý úshin 2018 jyldyń 18 shildesi men 29 qyrkúıegi aralyǵynda 6 baǵyt boıynsha 6 týrıstik klasterdi qamtıtyn, mańyzdy tabıǵı nysandarǵa ekspedıtsııa uıymdastyrylatyn bolady. Maqsat - kıeli mekenderdi zertteý, ishki týrızm men ınfraqurylymdy damytý.
