Depýtattar: Alaıaqtyq artýyna baılanysty onlaın nesıe tártibin ózgertý kerek
«Sońǵy jyldary elimizde halyqqa shaǵyn nesıe berýmen baılanysty alaıaqtyq jaǵdaılary jıilep ketti, alaıaqtar azamattarǵa olardyń qatysýynsyz onlaın nesıeler rásimdeýde. Bul másele boıynsha depýtattarǵa alaıaqtardyń isine tap bolǵan azamattar jıi shaǵym túsirýde. Alaıaqtar azamattardyń jeke derekterin paıdalanyp, onlaın nesıeni ózge adamǵa zańsyz rásimdeıdi. Al, eń soraqysy zardap shekkender olarǵa rásimdelgen nesıe týraly belgili bir ýaqyttan keıin ǵana, ıaǵnı kollektorlyq agenttikter mazalaı bastaǵan kezde biledi», - dedi depýtat Elnur Beısenbaev Májilistiń jalpy otyrysynda.
Іshki ister organdarynyń resmı aqparaty boıynsha, 2019 jyly ınternet alaıaqtyqpen baılanysty 7 732 qylmys tirkelse, al 2020 jyly mundaı faktilerdiń sany eki esege artyp 14 110 qylmysqa jetken.
2020 jyly mıkrokredıttik uıymdardyń ınternet-saıttar arqyly onlaın nesıeler rásimdeýi boıynsha 3 myń quqyqbuzýshylyq jasalǵan. Sondaı-aq, ınternet arqyly kez kelgen azamattyń jeke kabınetine qosylyp, olardyń plastıkalyq kartalaryndaǵy shottarynan aqsha urlaý boıynsha 2,2 myńnan astam alaıaqtyq qylmys tirkelgen.
«Bul máseleniń kúrdeli ekenine dálel retinde keshe ǵana Soltústik Qazaqstan oblysynda er adam alaıaqtyq jolmen ózge azamattarǵa 50 nesıe rásimdegen. Ol alaıaqtyǵyn iske asyrý úshin ózge azamattardyń joǵalǵan jeke kýálikterin paıdalanǵan. Joǵarydaǵy kórsetilgen naqty mysal mıkroqarjylyq uıymdardyń onlaın qaryz berýdegi jeke tulǵany sáıkestendirý rásimderin retteý júıeleriniń tolyq pysyqtalmaǵanyn kórsetip tur. Osyǵan baılanysty japa shekken azamattar óziniń kinásiz ekenin moıyndatyp, zańsyz nesıeni óshirý úshin 9 aıǵa deıin sottasýǵa májbúr. Bul óz kezeginde jábirlenýshiniń nesıelik tarıhyna zııan keltirip, qolma qol aqshasyz tólem jasaýyna kedergi tıgizedi», - dedi depýtat.
Depýtat agenttikke klıenttiń sáıkestendirýin anyqtaýdy kúsheıtý bóliginde mıkrokredıttik uıymdardyń onlaın nesıeler berý rásimderin qysqa merzimde qaıta qaraýdy usyndy.
«Birinshiden, klıenttiń bıometrııalyq erekshelikterin sáıkestendirý protsedýralaryn kúsheıtýdi qarastyrý qajet. Naqty ýaqyt rejıminde keskindi tekserý jáne rastaý, ıaǵnı alaıaqtardyń buryn daıyndalǵan beıne nemese foto materıaldardy qoldanýy múmkindigine jol bermeý. Ekinshiden, aqparattyq-baǵdarlamalyq júıelerdi paıdalaný arqyly onlaın-kredıtterdi rásimdeý kezinde eki satyly aýtentıfıkatsııany engizýdi kózdeý kerek», - dedi E. Beısembaev.