Depýtattar Aqsý-Aıýly aýylyndaǵy áleýmettik dúken jumysymen tanysty
QARAǴANDY. QazAqparat - Májilis depýtattary Aqsý-Aıýly aýylynda kópbalaly jáne turmysy tómen otbasylaryna arnalǵan dúkende boldy, dep habarlaıdy QR Parlamenti Májilisiniń baspasóz qyzmeti.
Májilis depýtattary Maıra Aısına men Meıram Pishembaev Qaraǵandy oblysyndaǵy saılaýshylarymen kezdesken bolatyn. Kezdesý barysynda depýtattar «Halyqqa kómek» jáne «Baqytty otbasy» jobasy aıasynda ashylǵan kópbalaly jáne turmysy tómen otbasylarǵa arnalǵan «Baq» áleýmettik dúken jumysymen tanysty.
«Aqtileý» qaıyrymdylyq qorynyń qoldaýymen Shet aýdany ákiminiń bastamasymen ashylǵan dúkennen árbir muqtaj otbasy tıesili mólsherde azyq-túlik pen zattaı kómek alýǵa múmkindik bar.
Dúken tynysyman tanysqan Májilis depýtattary osy jerde Elbasymyzdyń bastamasymen júzege asyrylyp jatqan áleýmettik bastamalar jóninde jáne olardy zań jaǵynan qoldaý úshin atqarylyp jatqan jumystar týraly baıandady.
Osy kúni sondaı-aq, Májilis depýtattary «Qutty meken» jobasynyń oryndalý barysymen tanysty.
Depýtattar atap ótkendeı, azamattardy baspanamen qamtamasyz etý maqsatynda búginde memleket tarapynan turǵyn-úı qurylysy úshin qomaqty qarajat qarastyrylǵan.
