Depýtat: Joldaý eldegi qordalanǵan máselelerdiń júıeli sheshilýine oń áser etedi
«Prezıdent Joldaýda usynǵan reformanyń negizgi máni - bılik pen halyq arasynda naqty nátıje berip, qordalanǵan máselelerdiń júıeli sheshimin tabýyna arqaý bolatyn, ekijaqty tıimdi dıalog uıymdastyrý. Sondaı-aq, aımaqtyq, jergilikti ózin-ózi basqarý organdarynyń belsendiligin jetildirý, azamattyq qoǵam ınstıtýttarynyń (saıası partııalar da) rólin nyǵaıtyp, bul júıeniń qalyptasýyna kedergi keltirip otyrǵan ákimshilik yqpal, áserdi álsiretý boldy. Kóńilden shyqqan taǵy bir másele - Prezıdenttiń jaqyn týystarynyń memlekettik organdar men kvazımemlekettik mekemelerdiń basshylyǵyna taǵaıyndalýyna tyıym salynýy boldy»,- dedi Ǵazız Qulahmetov.
Depýtattyń aıtýynsha, aımaqtyq-ákimshilik reforma memlekettik basqarý organdaryn anaǵurlym halyqqa jaqyndatyp, óńir-ólkeniń keshendi damýyn (óndiristik, áleýmettik, ınfraqurylymdyq) qamtamasyz etýi tıis.
«Prezıdent saıası reformalardy kezeń-kezeńimen jáne tabandy túrde júzege asyryp keledi. Júıeli jumystyń negizi de baıqalady. Sońǵy úsh jyl boıy elimizdiń qoǵamdyq-saıası ómirin jańǵyrtý qajettiligi, árbir azamattyń saıası saýaty men saıası mádenıetin qalyptastyrýdan tys, meńgerý deńgeıinniń sapasy da mańyzdy ekenin aıtyp júr. Sebebi, saıası reformanyń ekonomıkalyq reformalarmen qatar júrýi ózekti. Tabysty ekonomıkalyq ósim saıası júıeniń ıkemdiligine de baılanysty. Al saıası júıeniń negizgi formýlasy: Myqty prezıdent – yqpaldy parlament – esep beretin úkimet. Bul qaǵıdany ómirge aınaldyrsaq qana, qoǵamnyń ashyqtyǵy, saıası bastamalardyń jarııalylyǵynan úlken qaıyr bar. Memleket basshysy jarııalaǵan «Halyq únine qulaq asatyn memleket» tujyrymdamasynyń ómirsheńdigi de jurt úshin mańyzdy»,- dedi halyq qalaýlysy Ǵazız Qulahmetov.
Prezıdenttiń buqaralyq aqparat quraldaryna qatysty aıtqan eki másele boldy. Birinshisi-syrtqy saıasat.
ıAǵnı, Qazaqstannyń ishki aqparat keńistigin otandyq kontentpen toltyrý múmkindigin qamtamasyz etý, el tyńdaıtyndaı, qyzyqtyratyn dúnıelerdi jasaý.
Sosyn ishki másele - negizinen jýrnalısterdiń kásibı biliktiligine qatysty.
«Meniń oıymsha memlekettik tapsyrys degen dúnıege jumsalatyn qarjy kólemin azaıtý kerek. Tikeleı memlekettik arnalarǵa nemese uıymdarǵa berýden góri, jýrnalısterdiń, adamı kapıtaldyń sapasyna, kásibı biliktiligine kóbirek nazar aýdarǵan durys. Sol baǵytta Prezıdent reformalarynyń baǵyty da osy baǵytta júredi dep oılaımyz»,-deıdi halyq qalaýlysy.
