Depýtat Jezqazǵandaǵy apatty úılerge qatysty máseleni sheshýge shaqyrdy
Onyń aıtýynsha, jergilikti ákimdik qabyldaǵan sharalar arqyly máseleni jedel sheshýge múmkindik joq. Investorlar jańadan qurylǵan oblystyń turǵyn úı qurylysyna ázirshe qarqyndy túrde ınvestıtsııa sala qoımady. Máseleni sheshý joldarynyń biri – mundaı turǵyn úıdiń ıelerine ótemaqy tóleý. Biraq ony zań boıynsha tótenshe jaǵdaı oryn alǵannan soń jáne úıler qulaǵannan keıin ǵana jasaýǵa bolady.
«Atalǵan máseleni sheshýdiń joly – tótenshe jaǵdaı jarııalanǵan kezde apatty úılerdiń turǵyndaryna ótemaqy tóleý. Biraq Ádilet mınıstrligi ǵımarat qulaǵan nemese qaıta jańǵyrtylǵan kezde ǵana tótenshe jaǵdaıdy habarlaýdy usynyp otyr. Alaıda, ǵımarattyń qulaý faktileriniń bolmaýyna qaramastan, eskirgen turǵyn úılerdiń kez kelgen ýaqytta úlken apatty jaǵdaıǵa alyp kelý qaýpi joǵary ekenin eskerý qajet. Sebebi tıisti sharalar der kezinde qabyldanbasa, tótenshe jaǵdaı oryn alýy ábden múmkin. Osy oraıda óńirdiń mańyzdy máselesine erekshe nazar aýdarýyńyzdy suraımyn», - dedi depýtat Premer-Mınıstrdiń atyna joldaǵan saýalynda.
Depýtat taǵy bir usynys aıtty – eger bul olardyń jalǵyz baspanasy bolsa, avarııalyq páterlerdiń ıelerine jekeshelendirý quqyǵymen kommýnaldyq turǵyn úıdi birinshi kezekte berý kerek.
