Depýtat jetim balalardy baspanamen qamtamasyz etýdegi problemany kóterdi
NUR-SULTAN. QazAqparat – Májilis depýtaty Vakıl Nabıev jetim balalardy baspanamen qamtamasyz etýdegi problemany kóterdi, dep habarlaıdy QazAqparat tilshisi.
«Bizdiń saýalǵa jetim balalar men ata-ananyń qamqorlyǵynsyz qalǵan jetkinshekterdiń baspana alýda kezek pen monıtorıngiden ótýi rásimimen baılanysty bolyp otyr», - dedi V. Nabıev Úkimet basshysynyń orynbasary Eraly Toǵajanovtyń atyna joldaǵan depýtattyq saýalynda.
Mınıstrlikter málimetine qaraǵanda, jetim balalar, ata-anasynyń qamqorlyǵynsyz qalǵan balalar sanaty boıynsha baspanaǵa muqtajdar sany 2020 jyly elimizde 59 406-ny qurap, onyń ishinde 876 adam, ıaǵnı 1,4 paıyzy memlekettik turǵyn úı qorynan páter aldy.
«Osyǵan baılanysty qoljetimdi, paıdalanýǵa qolaıly biryńǵaı elektrondy baza qurý qajettigi bar dep sanaımyz. Onda jetim balalar men ata-anasynyń qamqorlyǵynsyz qalǵan balalar ózderiniń kezegi qandaı tártippen jyljyp jatqanyn kóre alar edi», - dedi depýtat.
Bul turǵyda Vakıl Nabıev atalǵan júıe boıynsha tıisti sheshimder qabyldaýdy usyndy.
