Depýtat jeke sot oryndaýshylardyń syıaqysyn qysqartýdy usyndy

ASTANA. KAZINFORM – Májilis depýtat Snejanna Imasheva jeke sot oryndaýshylardyń qyzmetteri paıdalanylmasa, olarǵa syıaqy tóleý tetigin alyp tastaýdy usyndy.

- Jeke sot oryndaýshylarynyń jumysyna tólenetin syıaqy óndirip alynǵan somanyń 25%-nan 3%-na deıin barady. Eger borysh somasy 60 AEK-ten az bolsa, sot oryndaýshysyna 25% tólenedi. Kóbinese bul aıyppul, salyq, shaǵyn zaım bereshekteri. Alaıda, kóptegen adamdar jeke sot oryndaýshylarynyń qyzmetterine aqy tóleý olardy oryndaý úshin qabyldanǵan sharalarǵa sáıkes kelmeıdi dep sanaıdy, - dedi Snejanna Imasheva.

Depýtat osy tártipti qaıta qaraý kerek dep esepteıdi.

- Ásirese, birinshi talap túskende-aq óz mindettemesin oryndaǵan boryshkerlerdiń narazylyǵyn týǵyzyp otyr. Atqarýshylyq qujat májbúrleý sharalaryn qoldanbaı oryndalsa da, boryshker sot oryndaýshysynyń qyzmetine aqy tóleýge mindetti. Sot oryndaýshylardyń qyzmetine aqy tóleý júıesi májbúrlep oryndaý boıynsha qabyldanǵan is-áreketterge ǵana baılanysty bolýǵa tıis. Jeke sot oryndaýshylardyń qyzmetteri paıdalanylmasa, bereshek ıesin qyzmetke aqy tóleý shyǵystarynan bosatý kerek, - dedi ol Úkimet saǵatynda.

Al Ádilet mınıstri Erlan Sársembaev jeke sot oryndaýshylary alatyn syıaqynyń eń joǵary shegin 25 paıyzdan tómendetýge áli erte degen paıym aıtty.

Osy jıynda shaǵyn nesıesin ótemegen azamattardyń 2,5 mln qujaty jeke sot oryndaýshylardyń qolynda júrgeni málim boldy.