Depýtat zańsyz alynǵan aktıvter týraly: qaıtarǵysy kelmegenderdi májbúrleýge bolady
«Halyqpen kezdesýde jurt osy zańǵa qashan qol qoıylatynyn surap jatyr. Jalpy halyq bul zańdy kútken edi, jaqsy qabyldap jatyr dep oaılaımyn. Áleýmettik ádilettilikti qalpyna keltirý arqyly - memleket halyqqa jáne memleket ózine tıesili nársege qol jetkizip jatqanyn halyq kórip otyr. Ekinshiden, zań keıbir tarmaqtaryn qospaǵanda, qol qoıylǵannan keıin 10 kún ótken soń kúshine enedi. Sosyn osy qujat jumys isteı bastaǵanda, qarjy qaıtarylatyn bolady, qaıtarylǵan somalardyń barlyǵy arnaıy shottarǵa aýdarylady. Barlyq múlik eldiń áleýmettik-ekonomıkalyq damýyna baǵyttalady. Qoldanystaǵy áleýmettik-ekonomıkalyq baǵdarlamalardy iske asyrýǵa jumsalady. ıAǵnı, bul bizdiń azamattarymyzdyń ál-aýqatyn arttyrý úshin jumys isteıdi», - dep atap ótti telefon arqyly áńgime barysynda depýtat Magerramov.
Sondaı-aq, májilismen zańsyz satyp alynǵan aktıvterdi qaıtarý jónindegi zań is júzinde qalaı jumys isteıtinine de toqtaldy. Onyń aıtýynsha, Bas prokýratýra janynan ýákiletti organ qurylady. «Onyń mindeti - zańsyz satyp alynǵan aktıvterdi izdeý, rastaý. Bul organ jyl saıyn zańsyz aktıvterdi satyp alýǵa qarsy is-qımyl jóninde aqparat daıyndaıdy. Jalpy, qujat boıynsha zańsyz aktıvterdi satyp alýdyń sebepteri men sharttaryna tosqaýyl qoıylady. Eki jol bar: májbúrli jáne erikti. Zańsyz múlik satyp alǵanyn túsinetin adamdardyń bári sol alǵanyn memleketke qaıtarý kerektigin jetkilikti túsinedi dep úmittenemin», - dedi depýtat.
Onyń aıtýyna qaraǵanda, eger azamat aktıvterdi óz erkimen qaıtarýdan bas tartsa, májbúrlep tárkileý mehanızmi qoldanylady. Bul máselemen ýákiletti organ aınalysady. Al zańdaǵy negizgi norma – azamattyq tárkileý.
«Keıbireýler azamattyq tárkileý qylmystyq tárkileýdi almastyrady dep qate túsindiredi. Bul ekeýi qatar jumys isteıdi, biraq qylmystyq nemese ákimshilik tárkileýdi almastyrmaıdy. Búginde álemde azamattyq tárkileý quraly keńinen qoldanylýda. AQSh, Germanııa sııaqty damyǵan elder azamattyq tárkileý bar. Bul zańsyz satyp alynǵan aktıvterdi óte tıimdi qaıtarýǵa múmkindik beredi, óıtkeni kinásizdik prezýmptsııasy joq. ıAǵnı, eger aıyptaýdyń qylmystyq quramy onyń zańsyz ekenin dáleldeýi kerek bolsa, azamattyq tárkileýde, eger adam tizilimge kirse, olar satyp alynǵan aktıvterdiń zańdylyǵyn dáleldeýi tıis. Sondaı-aq, azamattyq tárkileý sharasynyń merzimi eskirmeıdi. Eger qandaı da bir azamat úshin óziniń zańsyz ıelengeniniń bárin memleketke qaıtarýǵa aqyl-oıy jetpese, ol azamat qansha ýaqyt ótse de, zań aldynda jaýapqa tartylady», - dep túsindirdi M.Magerramov.
Onyń sózinshe, jalpy alǵanda, azamattyq tárkileý zańsyz satyp alynǵan aktıvterdi qaıtarý rásimin jeńildetedi.
«Sondyqtan bul óte mańyzdy. Meniń oıymsha, buny engizilip otyrǵan negizgi ınstıtýt deýge keledi. Zań kúshine engende biz onyń nátıjelerine, tıimdiligine tez kóz jetkize alamyz jáne qaıtarylǵan aktıvter bizdiń elimizdiń ıgiligi úshin jumys isteıdi dep úmittenemiz. Al aktıvterdi adal satyp alǵandar eshteńeden qoryqpasa da bolady. Olardy qorǵaıtyn mehanızm bar», - dedi depýtat.
Eske sala keteıik, keshe Memleket basshysy zańsyz ıemdenilgen aktıvterdi memleketke qaıtarý týraly zańǵa qol qoıdy.
