Depýtat V. Nehoroshevtiń energetıkalyq sýsyndarǵa qatysty saýalyna baılanysty Densaýlyq mınıstrliginiń habarlamasy
ASTANA. Aqpannyń 5-i. QazAqparat -QR Parlamenti Májilisiniń depýtaty Vladımır Nehoroshev aǵymdaǵy jyldyń aqpannyń 3-de palatanyń plenarlyq otyrysynda aıtqan saýalyna jaýap retinde, sondaı-aq energetıkalyq (alkogolsiz, az alkogoldi jáne alkogoldi) sýsyndar jóninde buqaralyq aqparat quraldaryndaǵy jarııalanymdarǵa baılanysty QR Densaýlyq saqtaý mınıstrligi mynany habarlaıdy.
Qazaqstan Respýblıkasynyń Bas memlekettik sanıtarlyq dárigeriniń 2007 jylǵy 30 naýryzdaǵy № 12 qaýlysymen mektepke deıingi jáne jalpy bilim berý uıymdarynda energetıkalyq sýsyndardy satýǵa tyıym salynǵan. Qazaqstan Respýblıkasynyń Densaýlyq saqtaý mınıstriniń 2008 jylǵy 15 qańtardaǵy № 7 buıryǵymen energetıkalyq sýsyndarǵa tyıym salý boıynsha osy norma (38-tarmaqtyń 2-tarmaqshasy) «Jalpy bilim berý jáne ınternat uıymdarynyń qurylǵysyna, kútip-ustaýyna jáne oqytý jaǵdaıyna qoıylatyn sanıtarlyq-epıdemıologııalyq talaptar» sanıtarlyq erejesi men normalaryna engizildi.
Qazirgi kezde halyqaralyq tájirıbeni zerdeleý maqsatynda energetıkalyq sýsyndardyń adam densaýlyǵyna áseri týraly sońǵy ǵylymı zertteýlerdiń derekterin usyný jóninde Dúnıejúzilik densaýlyq saqtaý uıymynyń (Rım, Italııa) Alımentarıýs Kodeksiniń Komıssııasy Hatshylyǵyna suraý joldandy.
QR Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıteti Qazaq taǵamtaný akademııasymen jáne Respýblıkalyq sanıtarlyq-epıdemıologııalyq stansymen birlesip, atalǵan sýsyndardyń quramyn zerdeleýdi bastady.
Respýblıka aýmaǵynda energetıkalyq sýsyndardy otandyq óndirýshilerdiń jáne eksporttaýshylardyń tizimi, sondaı-aq bosatylatyn sýsyndardyń assortımentteri anyqtalýda.
Energetıkalyq sýsyndardyń qaýipsizdik talaptarǵa sáıkestigine iriktep sanıtarııalyq-epıdemıologııalyq saraptaý júrgizilýde
