Depýtat ulytaýlyqtardyń jalaqysyna 20% ústemeaqy qosýdy usyndy
«Ulytaý oblysy kurylyp, óńirdi damytý baǵdarlamasyn daıyndaǵanda, kósh-qon baǵdarlamasynyń olqylyqtaryn eskerip, jetildirý kerek. Ulytaý óńirine kóship kelýshilerge jáne ınvestorlarǵa tartymdylyǵyn arttyrý maqsatynda óńirlerdi damytýǵa baǵyttalǵan baǵdarlamalardyń tolyqqandy, nátıjeli jumys jasaýyn qamtamasyz etken jón», - dedi Q. Erjan Májilistiń jalpy otyrysynda.
Spıker Ulytaý óńiriniń Aral ekologııalyq apatynyń jáne Baıqońyr kosmodromynyń zardabyn tartyp otyrǵanyn atap ótti.
«Osyǵan baılanysty arnaıy baǵdarlama qabyldaýdy usynamyz. Baǵdarlamada jalaqyǵa 20% ústemeaqy, aqy tólenetin demalys ýaqytyna 10 kún qarastyrý qajet. Eldi mekenderdiń ara qatynasyn jaqsartý maqsatynda kólik joldaryn qysqa ýaqytta jóńdeýden ótkizýdi qamtamasyz etý kerek. Jańa qurylǵan Ulytaý oblysynda terrıtorııalyq damý, turaqty adam ornalastyrýmen aınalysý óte mańyzdy. Sondyqtan, oblysqa adamdardy turaqtandyrýdyń baǵdarlamasy qajet», - dedi Májilis depýtaty.
Bul jóninde depýtat QR Premer-Mınıstriniń orynbasary Eraly Toǵjanovqa saýal joldady.
Aıta keteıik, 4 mamyrda Prezıdent Qasym-Jomart Toqaev Abaı, Jetisý jáne Ulytaý oblystaryn qurý týraly Jarlyqqa qol qoıdy.
Jarlyqqa sáıkes, Qaraǵandy oblysynyń quramynan Jańaarqa, Ulytaý aýdandaryn, Jezqazǵan, Qarajal jáne Sátbaev qalalaryn bólý jolymen Ulytaý oblysy quryldy. Onyń ákimshilik ortalyǵy Jezqazǵan qalasy bolyp bekitildi.
