Depýtat úlken májilisterdi ilespe aýdarmamen qamtamasyz etý máselesin kóterdi
ASTANA. Aqpannyń 3-i. QazAqparat /Qanat Mámetqazyuly/ ‑ Elbasynyń respýblıka kóleminde úlken májilisterdi ilespe aýdarmamen qamtamaz ete otyryp, qazaq tilinde júrgizýge kóshý jóninde osydan on jyl berilgen tapsyrmasy qashan júzege asady?
Búgin QR Parlamenti Májilisiniń jalpy otyrysynda Úkimet basshysynyń atyna saýal joldaǵan depýtat Jarasbaı Súleımenov osy máseleni kóterdi, dep habarlaıdy QazAqparat.
«Qazaqstanda memlekettik til máselesine qatysty qyrýar jumystar atqarylyp jatyr desek te, týǵan tilimiz áli de tórge oza qoıǵan joq. Meniń oıymsha, búgingi kúni ilespe aýdarmanyń óz deńgeıinde bolmaýy da qazaq tiliniń alqaly jıyn tiline aınalýyna keri áser tıgizip keledi. Bul rette birqatar negizgi máselege basa nazar aýdarylsa ıgi. Eń aldymen - Elbasynyń respýblıka kóleminde úlken májilisterdi ilespe aýdarmamen qamtamasyz etý, sóıte otyryp jıyndardy qazaq tilinde júrgizýge kóshý jónindegi tapsyrmasy áli de oryndalmaı otyr. Bul memleket basshysynyń osydan on jyl buryn begen tapsyrmasy bolatyn», dedi depýtat.
Sonymen birge, J. Súleımenov búgingi kúni elimizde ilespe aýdarmamen aınalysatyn mamandardyń biliktiligi, kásibı deńgeıi de tym tómen ekendigin alǵa tarty. Osyǵan oraı, depýtat Úkimetten osy máselege tıisti nazar aýdaryp, jaǵdaıdy jaqsartýǵa septigin tıgizý qajettigin atap ótti.
