Depýtat teri men jún eksportyna salynatyn kedendik bajdy alyp tastaýdy usyndy
«Qazirgi tańda aýyldyq jerlerde tórt túlik maldyń terisin óńdeýge eshqandaı múmkindik joq. Biz oǵan jaqynda bolǵan halyqpen kezdesý barysynda kóz jetkizdik», - deıdi depýtat.
Onyń deregi boıynsha, 2021 jyly Qazaqstanda 130 myń bas jylqy, 1 mln iri qara, 1,5 mln usaq mal soıylǵan. Al bıylǵy 5 aıda 60 myń jylqy, 350 myń sıyr, 550 myń qoı men eshki soıylǵan.
«Bizdiń zertteýimiz boıynsha, osy jyldyń basynan beri jylqy terisin eksporttaý múldem bolǵan joq. Al iri qaranyń 66 500 terisi eksportqa ketken.
Eshki men qoı terileri eksportka múldem shyqpaǵan, ózimizde óńdelgen de joq. Halyq, amal joq, aýyl mańyndaǵy kúl-qoqysqa tastaýǵa májbúr. Sonyń saldarynan elimizdiń ekologııasy zardap shegýde. Qazirgi tańda bizdiń el teri men júndi shiritip jatyr. Sebebi teri men júndi eksporttaýǵa kedendik baj salyǵy qoıylǵan. ıAǵnı, terini shetelge satatyn bolsań, tonnasyna 200 eýro tóleısiń. Sondyqtan terini shetelge shyǵarý tıimsiz bolyp otyr. Kedendik baj salyǵyn alyp tastap, sheteldik naryqty qaıta tabýlaryńyz kerek», - dedi depýtat.
Onyń paıymynsha, jún eksportyna salynatyn 10% baj da artyq.
«Mysaly, 1 mln dollarǵa jún alsa, 100 myń dollar tóleý kerek bolady. Mundaı salyqtan keıin qandaı el bizdiń tórt túlik maldyń jún-terisin alady? Teri men jún eksportynan kedendik baj salyǵyn alyp tastaý úshin birqatar mınıstrlik ókilderimen habarlasyp, osy másele boıynsha sóıleskende, bári «durys» dep quptaıdy, vedomstvoaralyq komıssııa da talqylanyp jatqanyn aıtyp jaýap beredi. Biraq bul sizder talqylap jatqanda qorshaǵan orta aıaýsyz lastanyp jatyr»,- dedi Syrym Ertaev.
