Depýtat temirjol salasy týrasynda: Vagondar parkin jańartý jumysy tıimdi bolatynyna senim az
«Jaz kelse boldy, qoǵamda temirjol jolaýshylary tasymalyna qatysty shaǵym da kóbeıedi. Jylda qaıtalanatyn jaǵdaı. Temirjol jolaýshylar tasymaly sapasynyń tómendigi syn kótermeıdi. Sebebi, jolaýshylar quramynyń kóp bóligi keńes zamanynyń murasy. Jyl saıyn biz vagondar parkin jańartý máselesin kóterip kelemiz. Kóptegen ýádeler bar, biraq is júzinde josparlanǵan qarqyndar saqtalmaıdy. Qazir temirjol quramynyń keminde 60 paıyzy tozǵan. Vagondar parkin túbegeıli jańartý 2030 jylǵa josparlap otyr. Eskere ketetin jaıt, «Qazaqstan temir joly» Ulttyq kompanııasy 1997 jyly quryldy. ıAǵnı, 26 jyl kútkenimiz azdaı, endi taǵy da 7 jyl kútýimiz kerek. Kútken úmitimiz aqtalatynyna, vagondar parkin jańartý jumysy tıimdi bolatynyna senimimiz az. 2030 jyly qalǵan vagondar eskirip, temirjol quramy parkiniń tozýy 80 paıyzdan asyp ketpeıtinine kim kepil?!», - dedi E. Beısenbaev Májilistiń jalpy otyrysynda Úkimet basshysy Álıhan Smaıylovtyń atyna joldaǵan saýalynda.
Onyń aıtýynsha, bılet tapshylyǵymen qatar, bılet baǵasynyń qymbattaýy baıqaldy. Olar ártúrli mobıldi qosymshalarda satyp alý kezinde erekshelenedi. «Qazaqstan temir joly» Ulttyq kompanııasynyń qurylǵanyna 26 jyl bolǵanyna qaramastan, bul saladaǵy jumys áli kúnge deıin retke keletin emes.
«Sol sebepti, depýtattyq saýalda kóterilgen máselelerdi jan-jaqty zerdelep, temirjol tasymaly máselesin túbegeıli sheshýdi suraımyz. Bul jaı ǵana bir depýtattyń saýaly emes, bir óńirden ekinshi óńirge jaz boıy jete almaǵan myńdaǵan adamnyń amanaty», - dedi depýtat.
