Depýtat suhbat berip jatqan kezinde kárizge qulap ketti

ASTANA. QazAqparat - Úndistannyń Djamnagar qalasynda aımaqtyq parlamenttiń «Bharatııa djanata partı» saıası uıymynyń atynan depýtat Pýnamben Maadam kóshede suhbat berý kezinde kárizge qulap ketti, dep habarlaıdy India Today.

Depýtat Pýnamben Maadam (Poonamben Maadam) tereńdigi úsh metrge jýyq shuńqyrǵa qulap tústi. Ol opyrylǵan beton kesekteriniń astynda qalǵan. Áıel áýeli jaqyn jerdegi aýrýhanaǵa, odan keıin Mýmbaıǵa jetkizildi. Dárigerler Maadamnyń ómirine esh qaýip tónip turmaǵandyǵyn habarlady.

Pýnamben Maadam aıaǵyn jaraqattap aldy.

Sondaı-aq, topyraq qabatynyń opyrylýy saldarynan taǵy basqa eki áıel zardap shekti. Olar aýrýhanada jatyr.