Depýtat soltústik óńir turǵyndaryna arnaıy ústemaqy tóleýdi usyndy
ASTANA. KAZINFORM – Májilis depýtaty Dmıtrıı Koloda elimizdiń soltústik óńir turǵyndarynyń ál-aýqatyna alańdaýshylyq tanytty.
«Klımattyq jaǵdaı, áleýmettik, kommýnaldyq jáne jol ınfraqurylymynyń máz emestigi aımaqta ómir súrýge tartymsyz. Mysaly, jylytý maýsymy 7 aıdan astam ýaqytqa sozylady. Jaz, qysta eginshilik pen mal sharýashylyǵyn dóńgeletýdiń múmkindigi az, al qysta kóp jemshóp qoryn qajet etedi. Elimizdiń soltústigi gazben az qamtylǵan, sonymen qatar halyqty aýyz sýmen qamtý kórsetkishteri óte tómen jáne eń nashar joldar osy óńirlerde. Munyń bári qolaıly ómir qurý úshin úlken shyǵyndy talap etedi jáne ortasha jalaqy el boıynsha kórsetkishten tómen», - dedi Dmıtrıı Koloda depýtattyq saýalyn QR Premer-Mınıstrdiń birinshi orynbasary R.Sklıarǵa joldaı otyryp.
Halyq qalaýlysynyń aıtýynsha, soltústik aımaqtarda halyq sanynyń azaıýy baıqaldy.
«Kadr tapshylyǵy problemasy ushyǵyp barady, nátıjesinde halyqtyń sapaly qyzmetterge qoljetimdiligi tómendeıdi. Sonymen qatar shekaralas aımaqtarda halyq sanynyń azaıýy ulttyq qaýipsizdik úshin de alańdatarlyq faktor. Memleket basshysy Soltústik Qazaqstan halqynyń azaıýyna alańdaýshylyq bildirip, óńirlik teńgerimsizdikterdi tómendetý mindetin qoıdy. Bul máseleniń sheshimin elimizdiń eńbekqor óńirlerinen qonys aýdarý baǵdarlamalaryn iske asyrý arqyly ǵana emes, ómir súrý úshin laıyqty jaǵdaılardy qamtamasyz etýde qajet», - deıdi ol.
Sondaı-aq, depýtat halyqaralyq tájirıbe kórsetkendeı, klımattyq jaǵdaıy bizge uqsas elderde turǵyndar úshin qarjylyq qoldaýdyń túrli quraldary baryn aıtty. Osy oraıda elimizdiń soltústiktegi halqy úshin arnaıy óńirlik ústemeaqy engizýdi tilge tıek etti.
«Soltústik óńirlerdiń máselelerin sheshýdiń ekinshi faktory – aımaqty gazdandyrý. Úkimettiń kún tártibindegi eldiń soltústik aımaqtaryn gazdandyrý josparyna uzaq ýaqyt boldy, biraq másele áli sheshilgen joq. Sonymen qatar bul máseleni sheshýdiń naqty kestesi joq», - deıdi ol.
Májilis depýtaty Dmıtrıı Koloda soltústik óńirlerdiń máselesin jedel sheshý úshin kelesi usynystardy alǵa tartty:
1. Soltústik óńirlerdiń turǵyndary úshin arnaıy óńirlik ústemeaqyny esepteý baǵdarlamasy men ádistemesin ázirleýdi usynamyz;
2. Jas mamandardy tartý úshin koeffıtsıentter eskerilsin;
3. Zeınetkerler úshin óńirlik ústemeaqyny esepteýdi engizý múmkindigin qarastyrý;
4. Qazaqstannyń soltústik óńirlerin gazdandyrý máselesin sheshýdi jedeldetý.
