Depýtat Serik Sápıev jaz aılarynda qaıda bolatynyn aıtty
ASTANA. QazAqparat - Kanıkýlǵa shyqqan Parlament depýtaty Serik Sápıev jaz aılarynda Qazaqstanda bolýdy qarastyryp otyr, dep habarlaıdy QazAqparat.
«Parlamenttegi jumysymda tájirıbe jınaqtap aldym dep senimmen aıta alamyn. Sporttan bólek, túrli salalardaǵy mán-jaıdy tereńirek bile bastadym. Jalpy ózime osynda unaıdy jáne jumys aýqymy kóp. Únemi qujattardy oqýmen bolasyń»,-dep baǵalady Sápıev depýtattyq laýazymdaǵy qyzmetin.
Budan bólek ol jaz kezindegi demalysyn qaıda ótkizetinin aıtyp berdi.
«Jazda qaıda baratynymdy naqty josparlaǵan joqpyn. Biraq Almatyǵa mindetti túrde baramyn. Zaıybymmen taýǵa shyǵýdy josparlap otyrmyz. Sonymen qatar sonda ata-anamdy da alyp baramyn. Negizi jazda Qazaqstanda bolýdy qarastyrýdamyn»,-dedi ol.
Esterińizge sala keteıik , búgin Parlament palatalarynyń birlesken otyrysy ótip, altynshy saılanǵan Parlament ekinshi sessııasyn aıaqtady.
Budan buryn habarlanǵandaı , 2017 jyldyń aqpanynda olımpıada chempıony Serik Sápıev Parlament Májilisiniń depýtaty boldy.
