Depýtat saılaýshylarynyń senimin aqtamasa, ony laýazymynan bosatýǵa bolady - Erlan Qarın
«Bir mandatty saılaý okrýgteri engiziledi. ıAǵnı, saıası partııalarmen qatar Májiliske jáne oblystyq máslıhattarǵa partııaǵa múshe emes depýtattar saılana alady. Al qalalyq jáne aýdandyq máslıhat depýtattaryn túgeldeı birmandattyq okrýgter arqyly saılaý josparlanyp otyr. Bul ózgeris saılaýshylarǵa ne beredi? Birinshiden, qazir azamattardyń kóbi máslıhattaǵy óz depýtattaryn tanymaıdy. Óıtkeni olar partııalyq tizim boıynsha saılanady. Endi azamattar saılaýda ózi qalaǵan partııaǵa ǵana emes, naqty kandıdatqa daýys bere alady. Tipti óz kandıdatyn da usyna alady. Sol arqyly depýtattardyń saılaýshylar aldyndaǵy jeke jaýapkershiligi artady», - dedi Erlan Qarın Youtube arnasynda jarııalanǵan referendým týraly rolıkte.
Onyń paıymynsha, bir mandattan saılanǵan depýtattar óz saılaýshylaryn tolǵandyratyn máselelerdi sheshý úshin baryn salýǵa májbúr bolady.
«Mundaı máseleler kóp. Atap aıtqanda, jol jóndeý, taza sýmen qamtamasyz etý, jańa mektep nemese aýrýhana salý, jastardy jumyspen qamtý sııaqty túıtkilder jıi kóteriletini jasyryn emes. Onyń bári barynsha shuǵyl jáne sapaly sheshiledi. Sondaı-aq saılaýshylarǵa bir mandatty okrýg boıynsha saılanǵan depýtattardy keri qaıtarý quqyǵy beriledi. Bul – jańa mehanızm. Eger depýtat saılaýshylarynyń senimin aqtamasa, jumysyn tıimdi atqarmasa, onyń ókilettik merizimi aıaqtalýyn kútpesten, laýazymnan bosatýǵa bolady. Osylaısha Májilistiń de, máslıhattardyń da depýtattary óz saılaýshylarynyń, ıaǵnı, sizderdiń aldaryńyzda tikeleı jaýapty bolady», - dedi Memlekettik hatshy.
Onyń aıtýynsha, Konstıtýtsııalyq Keńestiń ornyna qurylatyn Konstıtýtsııalyq sot qabyldaǵan sheshimge eshkim shaǵym keltire almaıtyn bolady.
