Depýtat «SAPSAN» avıakompanııasynyń sertıfıkat ala almaı otyrǵany týraly aıtty
ASTANA. Qarashanyń 11-i. QazAqparat. /Aıdyn Báımen/ - Úsh aıdan beri «SAPSAN» avıakompanııasy eksplýatant sertıfıkatyn ala almaı otyr. Bul málimetti búgin Parlament Májilisiniń jalpy otyrysynda depýtat Aleksandr Mılıýtın aıtty. Ol osy máselege QR Premer-Mınıstri Kárim Másimovtyń aralasyp, oń sheshýine yqpal etýin surady,
dep habarlaıdy QazAqparat.
Depýtatqa «SAPSAN» avıakompanııasy» AQ hat jazyp, kókeıkesti máselelerin alǵa tartqan. Ruqsat beretin sertıfıkatty QR Kólik jáne kommýnıkatsııa mınıstrliginiń Azamattyq avıatsııa komıteti beretini anyq. Atalmysh avıakompanııa zańdy tulǵa retinde 2009 jyly shildeniń 14-i kúni tirkelgen. Ol aımaqtyq avıakompanııa qyzmetin atqaryp, halyqaralyq avıatsııalyq standarttarǵa sáıkes Qazaqstan ishinde jolaýshylar tasymaldaý quqyǵyna ıe bolýdy maqsat tutqan. Bul avıakompanııa ústimizdegi jyly qarashanyń 1-inen bastap jolaýshylardy tasý qyzmetine kirisýdi josparlaǵan. Soǵan baılanysty bıyl shildeniń 20-sy kúni QR Kólik jáne kommýnıkatsııa mınıstrliginiń Azamattyq avıatsııa komıtetine tapsyrys berilgen.
Qyrkúıek aıynda Frantsııada osy avıakompanııanyń 52 adamy, onyń ishinde úsh ushqyshtar ekıpajy, ınjenerler quramy men bortjolserikteri biliktiligin arttyrý kýrsynan ótken. Ushqyshtar men ınjenerler quramy túgeldeı Qazaqstan azamattary jáne olar azamattyq avıatsııada mol tájirıbe jınaqtaǵan jandar. Qazirgi tańda avıakompanııaǵa qomaqty kólemde ınvestıtsııa bólingen.
2009 jyly qyrkúıektiń 7-si kúni Batys elderi shyǵarǵan «CRJ-100» markaly eki áýe kemesin satyp alý jóninde aktsıoneri QR Kólik jáne kommýnıkatsııa mınıstrligi bolyp tabylatyn «Qazaqstan kólik lızıngi kompanııasy» AQ-ymen qarjy lızıng kelisimine qol qoıylǵan. Bul eki ushaq ta qazir Almaty áýejaıynda tur.
«2010 jylǵy naýryzdan bastap AN-24 jáne ıAK-40 sekildi keńestik kezeńde shyǵarylǵan ushaqtardy paıdalanýdy shekteý týraly QR Kólik jáne kommýnıkatsııa mınıstriniń buıryǵy óz kúshine enedi. Áýe kemeleri parkin óz kúshterimen jańartýǵa kóptegen avıakompanııalardyń jaǵdaılary joq. Qarjy daǵdarysyna baılanysty bıýdjettik qarajat ta bólinbeıtini belgili. Memleket basshysy sóılegen sózderinde ekonomıkanyń áleýmettik mańyzǵa ıe salalaryna jekeniń ınvestıtsııasyn tartýdy yntalandyrý qajettigi jóninde birneshe ret aıtqan bolatyn. Avıatsııalyq tasymaldar qaýipsizdik pen qol jetimdi baǵa belgileý arqyly el turǵyndarynyń suranysyn barynsha qanaǵattandyrýy tıis. Osy jerde bir túsiniksiz jaǵdaı týyndap tur. Nege jeke ınvestorlardyń - shaǵyn jáne orta kásipkerlik sýbektileriniń bastamasy otandyq azamattyq avıatsııany damtyýǵa jaýap beretin memlekettik organnan qoldaý tappaıdy? Osy máseleni qaraýyńyzdy suraımyn»,- dedi depýtat Aleksandr Mılıýtın.
