Depýtat Salyq kodeksi týrasynda: kedergisi bar normalardy mindetti túrde ózgertý kerek
ASTANA. KAZINFORM — Salyq kodeksine qatysty bıznestiń ýáji talqylanady. Bul týraly Quryltaı depýtaty Ábilhaıyr Tamabek málim etti.
— Eger eshbir kemshiliksiz bolsa, mundaı ózgerister talap etilmeıtin edi. Demek, kemshilikter boldy. Jumys istemeı turǵan normalardy nemese kedergisi bar normalardy mindetti túrde ózgertý kerek. Sondyqtan bıznestiń usynymdaryn jınaqtap, Quryltaıda pysyqtaımyz, — dedi Á. Tamabek Quryltaıda Memleket basshysynyń Joldaýynan keıin.
Sonymen qatar ol iri baılyq ıelerine salyqty kóterý usynysyna pikir bildirdi.
— Sheshim birden qabyldanbaıdy. Úkimet pen Quryltaı birlese usynym beredi. Mundaı tásil álemdik tájirıbede bar, kóbirek paıda tapqandarda tıisti mólsherleme bolýy tıis dep sanaımyn. Bul salyq eshkimniń qaltasyna ketpeıdi, ıaǵnı halyqqa, elge ınfraqurylym nemese áleýmettik nysan kúıinde qaıtyp keledi. Ortaq negizde paıdalanylatyn jobalarǵa úles qosady… Osy másele iri baılyq ıelerine qatysty, — dedi depýtat.
Aıta keteıik, Qazaqstan halqyna Joldaýyn jarııalaý kezinde Prezıdent Qasym-Jomart Toqaev salyq salasyndaǵy kemshilikterge toqtalyp, olardy joıý jóninde tapsyrmalar berdi.
Sonymen qatar Memleket basshysy baılarǵa salyqty kóterýdi usyndy.
