Depýtat S. Tursynov jasóspirimder arasyndaǵy qylmystyń kúrt ósip otyrǵanyna alańdaýshylyq bildirdi
ASTANA. Qańtardyń 27-si. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda depýtat Saǵynbek Tursynov elimizdegi jasóspirimder arasyndaǵy qylmystyń kúrt ósip otyrǵanyna alańdaýshylyq bildirip, bul jaıynda Úkimet basshysynyń atyna saýal joldady,
dep habarlaıdy QazAqparat.
«Qazirgi kúni jastar men jasóspirimderdiń tárbıesi men moraldyq-psıhologııalyq jaǵdaıy týraly az aıtylyp júrgen joq. Soǵan qaramastan, jastar arasyndaǵy buzaqylyq pen qylmystyń kóbeıip otyrǵany alańdaýshylyq týdyrady. Mektep oqýshylary birin-biri atyp, pyshaqtap jatsa, stýdentterdiń túrli qylmysqa baryp jatatyny jónindegi oqıǵalar basylym betterinde kún saıyn jarııalanýda. Sońǵy derekterge qaraǵanda, jastar arasyndaǵy nashaqorlyq pen spırttik ishimdikterge áýestik kúrt artqany baıqalyp otyr. Al eldegi jaǵdaı týraly ár vedomstvonyń aqparattary ár túrli, tipti kereǵar deýge bolady», dedi depýtat. Onyń aıtýynsha, Іshki ister mınıstrliginiń kámeletke tolmaǵandar arasyndaǵy quqyq buzýshylyqtyń aldyn alý jónindegi 2008-2009 jyldarǵa arnalǵan josparyn iske asyrý boıynsha berilgen aqparatta sońǵy úsh jyl ishinde jastar men jasóspirimder arasyndaǵy qylmys 4-5 paıyzǵa tómendedi delingen. Biraq, keıbir oblystarda, atap aıtqanda Mańǵystaý oblysynda osyndaı qylmystardyń kórsetkishi - 44,1 paıyzǵa, Almaty oblysynda - 10,9 paıyzǵa, Jambyl oblysynda - 23,2 paıyzǵa, Ońtústik Qazaqstan oblysynda - 8,9 paıyzǵa artqany da aıtylady.
«Al Ońtústik Qazaqstan oblystyq prokýratýrasynyń resmı derekterine súıensek, byltyr kámeletke tolmaǵan jasóspirimder qolymen jasalǵan qylmys kúrt ósken. Onyń ishinde esirtkige baılanysty qylmys 40 paıyzǵa, kisi tonaý 54 paıyzǵa, kólik urlaý 87,5 paıyzǵa artqan. Sonymen birge, byltyr kámeletke tolmaǵan 261 qyz bala jasandy túsik jasatyp, 53 jasóspirim ózine-ózi qol jumsaǵan», dedi depýtat. Onyń sózine qaraǵanda, búkil respýblıka boıynsha jasóspirimder qylmysynyń jaıy máz emes. Al joǵaryda kórsetilgender esepke alynǵan resmı derekter bolsa, shyn mánindegi jaǵdaı budan da kúrdeli bolyp otyr.
